2 Ts 3:12 - Nuevo Testamento Toba Sur

¹² Que'eca shiÿaxaua samaxasoxonaxalec qataq saqataxa, cha'ayi qomi' lamaxa'shi so qadataxala' Jesucristo, da ÿataqta do'onataxan, saqca ca taÿapigui lauel, yaqto' ishit da nauec ca lhuenec.

Nuevo Testamento Toba Sombrero Negro

¹² Ñe'me Qadejaliaĝanec Jesucristo qo'mi yanema da'me lañoqotaĝanaĝac qaedi jaqataĝalo naa'me naajo' jiyaĝa'u, qama'le jamaĝajoĝolo'te da'me 'noota ta'le t'onataĝa'n, qaedi yauata ga'me nali'j.

La'aqtaqa Ñim Lo'onatac 'Enauacna 2013

¹² Que'eca shiỹaxaua samaxasoxonaxalec qataq seqataxa, cha'aye qomi' lamaxa'she So Qarataxala' Jesucristo, da camaye ỹataqta do'onataxan, saqca ca taỹapigui lauel yaqto' ishet da nauec ca lhuenec qataq ỹaxaañi da sa ỹalemaxat na laỹepi.

2 Ts 3:12 Referans Kwoze

1 Ts 4:11

Qanpogoxoiñiÿapegue' da saqca ca da da qoñiita. Ñi 'oonolec maichi huapegue' ca maichi lalamaxat, qataq ÿacootapegue' ca maichi l'onatac. 'Eda da saqataqtapeguelec co'olloxochiyi,

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

2 Ts 3:8

qataq sa ishit da chochi sachiguenaqtac ca aloq ñi 'oonolec da qoñiita da huo'otaq sa seshiitenaq. Chaqdata da so'onataxanaqtac, ñasamaqtañi na na'axa'tesat qataq na pesa'chi, cha'ayi sauoqtaique da sa ishit da huo'o ca nsallaxaueetapegueto qomi' da qoñiita.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Lucas 11:3

Ña qomi' 'anañanema cam chochaq huañi qonoq na na'a'q.

1 Timoteo 2:2

Nataq'en ñishitaique da qanqouagaxaueelec na nta'alpi mayi lta'adaicpi qataq 'enauac na ltauapi, yaqto' da qanachaalataxac qaica camachaqca. Nda'a't da qadamachiguiñi, selagaqtapiguiñi, cha'ayi ÿataqta ñañanqot ñi Dios, qataq no'on da qanmejnaguec.