2 Ts 3:1 - Nuevo Testamento Toba Sur

¹ Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.

Nuevo Testamento Toba Sombrero Negro

¹ Da'me p'ategue 'yaqatac, ami yaqaya'olqa, 'noota qom nach'e eta't qo'mi auajelaĝañilo'te, qaedi yema qodomachiya da'me 'laqataĝanaĝac joñe'me Qadejaliaĝanec jo'ne ja'aĝataqatac, qaedi nataq'aen jena'me jiyaĝadipi qom domachiya male yataqata yacoteguet, ena'am ca'li yemta auomachiiya da'me ami.

La'aqtaqa Ñim Lo'onatac 'Enauacna 2013

¹ Qaq da pa'atec qara'aqtac, qami' qarqaỹa't, qanqouagaxauñiitaleguete qomi', yaqto' da la'aqtac So Qarataxala' maye sa'axataqtac saqaỹaloq da ivira 'enauac na shiỹaxauapi qataq yaqto' namayepi ỹaconeguet qataq ỹauotec 'ena'ama co'ollaxa qami'.

2 Ts 3:1 Referans Kwoze

1 Ts 5:25

Qami' qadqaÿa't, qanqouagaxauñiilguete qomi'.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

1 Corintios 16:9

cha'ayi yimayi ÿataqta aÿim nauatteguet da so'onataxan, da yaqto' saqalota na i'amaqten so qadataxala'. Qaq nai'ctaxa da saqalota na depa'aguenataxaatac.

1 Ts 1:8

Cha'ayi qami' chigoqtoiguilo da huo'o mshi saqaÿoqtegue da n'aqtaguec so qadataxala' Jesús. Qaq sa ishit da chaqyita yi Macedonia qataq yi Acaya. Nataq'en na shiÿaxauapi mayi netalguete naua saqaÿoqtalo 'ale'u, namayipi ÿaÿaten da huo'o da qadpi'iÿaxaqui ñi Dios. Qaq ÿoqo'oyi qomi' sa iuen da qaltaq sa'axataq de'eda.

Hechos 19:20

Qaq 'eda da 'eetec da n'aqtaguec so qadataxala' da ÿataqta nquictashiguem, qataq ÿachaxan da l'añaxac.

1 Ts 5:17

Qoquiitot da qanqouagaxauñiitac.

Hechos 12:24

Qalaxayi da l'aqtac ñi Dios lamaaxa nqochiitauec qataq qai'axattac 'enauaque naua laÿil ana 'alhua.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Ts 2:1

Cha'ayi qami' qadqaÿa't, qauaÿajñiita so hua'auchiguiñi qadvidaxac da qoñiita, somayi sa ishit da saqca ca naigui.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

Romanos 15:30

Qami' ÿaqaÿa't, souaxat da qadpi'iÿaxac so qadataxala' Jesucristo, qataq souaxat da nsoxoyic mayi qomi' ÿanema so Espíritu Santo, ÿoqo'oyi qami' ñachoxodeetoiguilo da aÿim qautauañi qome da qanqouagaxauñiÿot ñi Dios da aÿim qanqouagaxauñiitalec,

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Mateo 9:38

Qaq ÿoqo'oyi qami' qauÿaxañiÿot qome ñim lalamaxat na nanguishic, da yaqto' ñimayi namaq cam 'onataxanaxaicpi.

Lucas 10:2

Nachi 'enapego', 'eeta': –'Eesa da ÿataqta qalota na n'onatac da qanqat na ala na nanguishic. Qalaxayi nam 'onataxanaxaicpi saq 'amaqtaq. Qaq ÿoqo'oyi no'on da qauÿaxañiÿot ñim lalamaxat ne'ena n'onatac, da yaqto' namaq ca 'onataxanaxaicpi, da yaqto' nqat namayi.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.