2 Ts 2:3 - Nuevo Testamento Toba Sur

³ Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

Nuevo Testamento Toba Sombrero Negro

³ Ena'te auajeñetem ta'le 'uo ga'me ami yoqovi'n. Ga'me nolo' cha'li ja novi', qa'a male 'uaeñe 'uo ga'me nalada't jo'ne p'ategue, qom yataqata qonautena joñe'me Dios, qama'le di'yo'quena ñe'me jiyaĝaua jo'ne etaĝaloĝoic, jo'ne qoyamaĝa'ña qomle ga'me napa'lpi 'lachaqa'.

La'aqtaqa Ñim Lo'onatac 'Enauacna 2013

³ Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

2 Ts 2:3 Referans Kwoze

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

Apocalipsis 17:11

Qaq se'eso shiguiÿac mayi nca'altauec co'ollaxa, qalaxayi mashi saqca somayi, nachiso som pa'ateec qominchiyi nam nta'alpi. Qalaxayi somayi nachiso som maichi 'oonolec nam siete nta'al. Qaq qom ime, nachi somayi ivita ca ÿataqta loga't.

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

1 Juan 4:3

Qalaxayi cam sa ishit da ÿoqta 'eesa naq'en so Jesús, qaq camayi sa ishit da netanguit so n'Espíritu ñi Dios. Chaqdata da camayi hueto'oto naua nhuennataxaco mayi npa'agueneto so Cristo. Qaq qami' mashi qau'aqaitapeguelec da huo'o ca na'a'q, qaq yi'o'q ne'enaua nhuennataxaco. Qaq nagui mashi huetalguete naamayi ana 'alhua.