2 Ts 2:15 - Nuevo Testamento Toba Sur

¹⁵ Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

Nuevo Testamento Toba Sombrero Negro

¹⁵ Qama'le nayi, ami yaqaya'olqa, 'noota qom a'nañaĝachela't, ena'te aĝañiñi da'me auep'iiya'a joñe'me Dios, nataq'aen ena'te auapalaĝache'ta joga'me qadapaĝaguenataĝanaĝac uotaĝa ga'me qadediije ca'li ami janemaĝama.

La'aqtaqa Ñim Lo'onatac 'Enauacna 2013

¹⁵ Qaq ỹoqo'oye qami' qarqaỹa't, saqco' qome ca qauqochiỹa, qoquiito'ot qome da qanaquitaxaqui Ñim Lo'onatac 'Enauacna qataq saishet da qaucoviỹa'ai da qarapaxaguenataxanaxac naxa da qami' souaqta'agueta huo'otaq na huetalec ana qorere maye qami' samaxasoqtegalo.

2 Ts 2:15 Referans Kwoze

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

2 Ts 3:6

Qami' qadqaÿa't, qami' saqataxalo, cha'ayi qomi' lamaxa'shi so qadataxala' Jesucristo, da sa ishit da qanhuoquiiteguet ca camachaqca qadqaÿa da sa ishit da do'onataxan, qataq lamaaxa da sa ishit da quetegue da qadapaxaguenataxanaxac mayi qami' sanaxama.

2 Ts 2:2

da sa ishit qome da qalhuotta'a da qaÿashaxaneec da qadhuennataxaqui, qataq sa ishit da qami' icolanaqchi't da huo'otaq qoÿiitega da mashi ivita ca laloqo' da nvi' so qadataxala'. Cha'ayi sa iuena'a da huo'o ca n'enaqchingui da 'eetega 'ico' i'aqtaxanaxan so Espíritu, huo'otaq da huo'o ca n'aqtaxanaxac qau'aqÿapeguelec, huo'otaq qauacoñiiguet aca nede qoÿiitega qodede.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Ts 3:14

Da huo'o ca 'oonolec da qoñiita da sa ishit da ÿalaxalec da qad'aqtac mayi huetalec ana qodede, camayi ÿataqta qauauattoñiita. Nachi sa ishit da qaualliquiiguet, yaqto' camayi maichi n'aloxon.

Tito 1:9

Qataq ÿataqta n'añaxattec da n'aqtac mayi 'eesa lataxac dam mashi qaÿapaxaguenec, yaqto' nataq'en ishit da i'añaqchit ca lÿa da idolec da no'oita napaxaguenataxanaxac, qataq nloqteneec ca depa'aguenataxaatac.