2 Ts 2:10 - Nuevo Testamento Toba Sur

¹⁰ Do'onataxana 'enauac na ÿotta'a't sa ÿaÿamaxañisat da chochi ÿatenachit na shiÿaxauapi mayi taÿa'a da nhuaxanaguec chochi tateec, cha'ayi mashi sa ishit da ÿaconguet da 'eesa lataxac mayi ishit da qanca'algui.

Nuevo Testamento Toba Sombrero Negro

¹⁰ T'onataĝana yema gaa'me letaĝaloĝoco qaedi yoqovi'n jena'me jiyaĝadipi jo'ne uetedaue da'me lejomaĝa'j, nach'egaua jo'ne yataqata ja 'yamaqate'n da'me eja, ja yacoteguet ca'li jena'me jenjo' 'naqataĝanaĝac jo'ne chiyoqo'ot joñe'me Jesucristo 'me nec'alaĝa.

La'aqtaqa Ñim Lo'onatac 'Enauacna 2013

¹⁰ Do'onataxana 'enauac na ỹotta'a't sa ỹaỹamaxañisat da choche ỹatenachet na shiỹaxauapi maye taỹa'a da nhuaxanaguec choche tatec, cha'aye mashe saishet da ỹaconeguet da 'eesa lataxac maye chegaqaigui da nca'alaxa.

2 Ts 2:10 Referans Kwoze

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

2 Pedro 2:12

Qalaxayi ne'ena shiÿaxauapi ÿataqta 'eeta'am na shiguiÿacpi mayi qaica ca ÿaÿajnapec. Chochi quetague' da lmejnaxanaxac, qataq ñiguiñi da yaqto' taÿa'a da qaÿaconeu'a qataq da qaÿalauat. Namayipi ÿataqta sa iyacnapec da detaxaÿa cam sa ishit da ÿaÿaten. Qalaxayi namayipi 'eeta'am qome da l-leuaxa na shiguiÿacpi,

1 Corintios 16:22

Da huo'o ca sa ishit da ÿauotec so qadataxala' Jesucristo, camayi huetalec da lta'adaic nhuaxanaguec. ¡'Am qadataxala', saqaÿaloq qome da 'ayi'iguelaq!

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

2 Corintios 11:15

Qaq ÿoqo'oyi sa ishit da qalhuala'a da huo'otaq nam l'onataxanaxanecpi somayi da ishit da chochi n'enaqchingui da 'eetega da no'on cam i'ottac. Qalaxayi ca nhuaxanaguec namayipi ipacchigui qome 'enauac nam i'ottacpi.

1 Timoteo 2:4

Cha'ayi ñimayi nshitaique da 'enauac qanca'alaxateec na shiÿaxauapi, qataq ividaxatta'a da ÿaÿateeta da lataxac mayi ÿataqta 'eesa.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

2 Corintios 2:15

Cha'ayi qomi' shinaqta'am da alaitaÿaxac cam nchinaxanaxat mayi ÿanot ñi Dios so Cristo, qataq ÿataqta huaÿoxoneec da alaitaÿaxac, ividauga nam mashi qanca'alaxateec qataq nam ñaq huetaigui da lsomaxac.

Romanos 10:1

Qami' ÿaqaÿa't, lta'adaic da lhuennataxac añi iquiyaqte qataq da ñoqouagaxaunaxac ñi Dios da ñoqouagaxaueetapeguelec na Israel llalaqpi, cha'ayi ñishitaique da qanca'alaxateec.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

Juan 5:34

Qalaxayi aÿim sa ishit da chochi sootapeguelec ca l'aqtaxanaxac ca shiÿaxaua da huo'otaq aÿim i'axattac. Qaq shinapec de'eda, yaqto' qami' ishit da qadca'alliiuec.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Hebreos 3:13

Nachaqdato' da ñi 'oonolec quetot naua na'axa'te da i'añaqchittac ca lÿa, llaxatemallaxa da ñaq huo'o yi qaddaqa' na na'a'q, yaqto' sa ishit da huo'o ca 'oonolec da qoñiita da 'ico' ÿatenachit da ñi'itaxaloxo, nachi da lquiyaqteÿaxac sa ishit da ÿalaq.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.

2 Corintios 11:13

Cha'ayi namayipi chochi n'enaqchin da 'eetega da lamaxashicpi so Jesús, qalaxayi tenataxanaxaicpi, qataq chochi n'enaqchingui da 'eetega lamaxashicpi so Cristo.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

2 Ts 2:12

Yaqto' ÿataqta lta'adaic da nhuaxanaguec 'enauac nam sa ishit da i'amaqten da 'eesa lataxac. Chaqdata da nqopita na sa ÿaÿamaxañisat.

2 Ts 2:13

Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.