2 Ts 1:9 - Nuevo Testamento Toba Sur

⁹ Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

Nuevo Testamento Toba Sombrero Negro

⁹ Nataq'aen male yataqata qoyapalaĝa't jo' qomle, nataq'aen da'me qoyiyota'alo, yataqata ja yaqanate't ta'le ueteda'ajop joñe'me Jaliaĝanec, uotaĝa ta'le yauata da'me 'lonaĝac choqoda'me lañoqotaĝanaĝac t'adaic.

La'aqtaqa Ñim Lo'onatac 'Enauacna 2013

⁹ Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

2 Ts 1:9 Referans Kwoze

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

2 Ts 2:8

Huaña qome, nachi nachaxan que'eca shiÿaxaua 'itaxaloxoic. Qalaxayi so qadataxala' Jesús ÿalauat qome, idolec na l'at qom ncosaueegue da iquetetot camayi. Nachi ileuaña naq'en souaxat na l'edaxa qom ñi'iguelaq.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Filipenses 3:19

Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 7:23

Qalaxayi aÿim shinapega qome, shiita': “Sa ishit da qami' sauatto'n. Aÿim qoquiÿa'ai, qami' mayi qau'ochiitac na sa ÿaÿamaxañi.”

Apocalipsis 20:14

Ime, nachi so nleuaxa qataq som laponqa' na leuaxaicpi, soomayi qaÿasaxayingui so lta'adaic nodec. Qaq se'eso lta'adaic nodec, somayi nachiso so ÿaqa'aguet nleuaxa.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

Lucas 13:27

Qalaxayi camayi qami' 'enapegalo, 'eeta': “Aÿim mashi qami' shinapegalo da aÿim sa saÿaten ca qauachigoqoita'ague. Aÿim qoquiÿa'ai 'enauac da qoñiita, 'enauac qami' mayi qau'ochiitac da sa ÿaÿamaxañi.”

Mateo 22:13

Nachi so nta'a 'enapega nam ilotague'pi so nqui'axala', 'eeta': “Ñi'iñi shiÿaxaua qaucoñiyiÿa't qome naua lchil qataq naua lhua'q. Ime, nachi qauasaqaiuga na napalaxa da pa'auec, yim huaña qome da noÿiitac qataq ÿataqta inaga't naua lhue da nqui'ic.”

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

Judas 1:13

Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

2 Pedro 2:17

Ne'ena shiÿaxauapi 'eeta'am aca ñi'illoxoqui mayi qaica ca l'ec 'etaxat, qataq 'eeta'am ca l'oc mayi chochi ÿachitac na l'at. Namayipi taÿa'a da qaicoñida'aguet cam chochaq tateec napalaxa.

1 Ts 5:3

Cha'ayi na shiÿaxauapi, qom 'eetega da 'enauac lactapiguiñi qataq saqca ca da, nachi nvita namayipi ca nhuaxanaguec lta'adaic, chochi nque'elaxatta, 'eeta'am da nqui'ic aca 'alo hualaxai da ivita yi laloqo' da deco'o. Namayipi sa ishit da ÿit da nhuaxanaguec.

Juan 5:14

Qaq so Jesús co'ollaq ilalec somayi huaigui aso n'onaxanaxaqui, nachi 'enapego', 'eeta': –Nagui mashi 'am no'oita, qalaxayi sa ishit qome da qaltaq huo'o 'anqa'en ca 'adasouaxashit, ten qom qaltaq ÿapagueec ca 'adalolaxa.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Mateo 24:30

Huaña, nachi qaila'a na piguem ca l'anaxat na shiÿaxaua llalec. Nachi 'enauac qome na ÿotta'a't shiÿaxauapi noÿiitagui, qom qaila'aguet na shiÿaxaua llalec da nactaigui na l'oc, ÿataqta lta'adaic da l'añaxac qataq da lli'oxoyic.