2 Ts 1:4 - Nuevo Testamento Toba Sur

⁴ Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

Nuevo Testamento Toba Sombrero Negro

⁴ Qama'le nayi yataqata 'uo da'me qadamaic nale ami jenataqa'talo nataq'aen ami ja'aĝataqa'tape nale 'uo ga'me jouaqa'ta na'me tamenaĝaiqui jena'me jenjo' aleua jo'ne mach'e Dios 'lemaqa. Nataq'aen da'me jayatenaq na'me ovi'ta yataqata 'uo ga'me laqalaic da'me jenjo' 'noota, chayovida'a da'me 'uo ga'me adachoĝodequi, qalaĝaja yataqata ami ejoda da'me auep'iiya'a joñe'me Qadet'a Dios.

La'aqtaqa Ñim Lo'onatac 'Enauacna 2013

⁴ Qaq ỹoqo'oye qomi' ỹataqta huo'o da qana'amqaanaxac da qami' sa'axataqta'ape da sa'aqtaxanaqteguem na laỹepi shiỹaxauapi maye nataqa'en ỹa'amaqteetac Ñim Lo'onatac 'Enauacna. Cha'aye souaxat da na'aictaxa da qoviitaigui da lqalaic, qalaxaye ñaqaiyeta saishet da qaỹa'axañiiuec da qarpi'iỹaxaqui Ñimaye.

2 Ts 1:4 Referans Kwoze

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

1 Ts 2:14

Qami' qadqaÿa't, co'ollaq qami' icaata'pe da saq qami' ÿalemaxa't na maichi qadhuo'oi l'ecpi. Qaq de'eda qami' qai'oteque nachi 'eeta'am dam qai'otec na quetague' ñi Dios mayi netaña yi Judea, nam i'amaqteetac so Cristo Jesús. Namayipi nataq'en saqalota da ncanaguec. Qaq de'eda ncanaguec chigaqaigui na maichi lauo' l'ecpi judiopi.

1 Ts 2:19

Cha'ayi ¿negue'to' ca i'ot da qanaquitaxac, qataq da qantonaxac? qataq ¿negue'to' ca i'ot da qadamaiquiaxac da ñitonaqtapeguec? Taxaaso' nachida da qoñiita que'eca na'a'q qom ñi'iguelaq so qadataxala' Jesucristo.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

1 Corintios 7:17

Nai'ctaxa ca 'eetec ca lataxac ñi 'oonolec, nachica saq ÿaxaneec. Chaqdata da ilotelec da lliquiaxac cam ÿanem so qadataxala'. Da 'eetec da lataxac co'ollaq Dios iÿaxana, nachida saq ÿaxaneec. Qaq 'eda da saqattega 'enauac ana n'onaxanaxaquipi.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

2 Ts 3:5

Qaq so qadataxala' qami' itauanque da ÿataqta qauanomiiteguet da lsoxoyic ñi Dios, qataq qami' itauanque da qanhualaxaunaxaqui mayi 'eeta'am da lhualaxavic so Cristo.

2 Corintios 9:4

Ten, qom huo'otaq sa iuena'a da huo'o ca ñinaictague' nam lma' na Macedonia, qaq ishit da qami' ilalguete da saxanaxa da huo'o ca qanaÿamaxataxaqui. Nachi ishit da qomi' ÿataqta huo'o da qad'aloxo, qamaq qamí'ctaxa mayi huo'o da qad'alqoi, cha'ayi mashi qami' sa'amaqtenaqta'pe.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Romanos 8:25

Cha'ayi cam ñaquitaqtaique, da huo'otaq saxanaxa da yi'oq, nachi ishit da ÿataqta huo'o da qadhualaxavic da seuataqta'a.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.