2 Timoteo 4:8 - Nuevo Testamento Toba Sur

⁸ Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Nuevo Testamento Toba Sombrero Negro

⁸ Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

La'aqtaqa Ñim Lo'onatac 'Enauacna 2013

⁸ Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

2 Timoteo 4:8 Referans Kwoze

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

1 Pedro 1:4

qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

1 Corintios 9:25

'Enauac na naÿamaxattac da tau'a ca qomitaxac, ÿataqta ndenguet 'enauac nam ishit da n'aqchit. Namayipi 'eetec de'eda, cha'ayi nshitaique da nauec aca ado'o mayi qo'ipaq laue acam saqaÿaloq da daqaqa. Qalaxayi qomi' sauoqtaique da ñauegaq acam sa ishit da huo'o ca loga't.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.

2 Timoteo 2:5

Qaq nachi 'en'am ca shiÿaxaua da huo'otaq tau'a da qomitaxac, qaq da huo'otaq sa ipaguelec da ÿoqta lataxac, nachi sa ishit da ÿaconguet ca nshiitenaxac.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

1 Timoteo 6:19

Yaqto' de'eda sa yi'oq lsallaxa ishit da huo'o da naquitaxac naq'en cam ñaq natauo, qataq ishit da nauec ca achaalataxac chochi tateec.

1 Corintios 2:9

Qaq tachigui da 'enapec naua ñiyigui'shi l'aqtaqa ñi Dios, 'eeta': Ñi Dios ÿaqataxaatapigui' da ÿanem cam ÿauotec ñimayi da 'achiquiaxac mayi qaica ca ishit da ila'a, huo'otaq hua'axaÿa, huo'otaq da iuennatapega.

Apocalipsis 22:20

Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

Apocalipsis 4:10

nachi se'eso veinticuatro nquedoxonecpi i'alyiñi naua l-llicte da ÿi'oxoden som chochaq tateec da nachaalataxac. Nachi nqa't naua nado'ol da ÿacho'oto aso nso'onaxaqui. Ime, qaq 'eeta':

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

2 Timoteo 1:18

Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

Romanos 2:5

Qalaxayi 'am ÿataqta qadamchigui añi 'adquiyaqte, qataq sa ishit da 'ai'axaadeec naua 'an'onataxaco. Qaq ÿoqo'oyi 'eeta'am da maichi 'alapootashiguem nam 'anhuaxanaguecpi, qom ivita ca na'a'q mayi huetoigui da ñi Dios ichoxot ca lasouaxashit ñi 'oonolec da ÿauo'o ca nhuaxanaguec.

Mateo 24:36

Qalaxayi que'eca na'a'q qataq ca laloqo' de'eda, qalaq qaica ca ishit da ÿaÿaten, ivida'a na namaxashic piguem l'ecpi sa ÿaÿaten qataq na llalec ñi Dios. Chaqñita ñi ita'a mayi ÿaÿaten.

Mateo 7:22

Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

1 Ts 5:4

Qalaxayi qami' qadqaÿa't, sa ishit da qoviitaigui ca 'ico' napalaxa, yaqto' que'eca na'a'q, lvidaxaqui so qadataxala', sa ishit da qami' ique'elaxa't, 'eeta'am cam cachaxaic.

2 Corintios 5:2

Qaq 'eesa da huo'otaq ña ñica'alaqtauec nagui da ña ñachaataqtaigui de'eda qad'oquiaxac, qalaq ÿataqta huo'o da qadachitataic, qataq huo'o da qadyaxa da ñoqochinaxa ca qadma' mayi na'ague da piguem,

Lucas 10:12

Qaq qami' sa'axatema da que'eca pa'ateec na'a'q, da nhuaxanaguec que'eca pueblo ÿataqta napacalec da nhuaxanaguec so shiÿaxauapi mayi lma' so la ciudad Sodoma.

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

Filipenses 3:11

Cha'ayi huo'o da ñaquitaxac da salectoigui qom qaltaq qanca'alaxateec 'enauac na leuaxaicpi.

2 Ts 2:8

Huaña qome, nachi nachaxan que'eca shiÿaxaua 'itaxaloxoic. Qalaxayi so qadataxala' Jesús ÿalauat qome, idolec na l'at qom ncosaueegue da iquetetot camayi. Nachi ileuaña naq'en souaxat na l'edaxa qom ñi'iguelaq.

2 Timoteo 1:10

Qaq de'eda lsoxoyic ñi Dios ÿachaxan nagui, qalaxayi nactaigui naq'en da lliquiaxac so qadca'alaxaqui Jesucristo mayi deuotaxanec co'olloxochiyi da l'añaxac da nleuaxa, qataq damaxasoxoolec da qai'axat da n'aqtac mayi chigaqaigui da nca'alaxa. Qaq nachida da yi'oq naq'en da nca'alaxa mayi sa ishit da qanlaxajñi.

Hebreos 12:11

'Eesa da qaica ca qanhuaxanaguec da huo'otaq sa qui'aq da qomi' qanlaxaatrapeguec. Ÿataqta qui'aq da chita'ague. Qalaxayi da mashi lcopa'a, nachi yi'oq da alaÿaxac de'eda napaxaguenataguec ca shiÿaxaua da ÿoqta huelec da ÿalaq da qaÿapaxaguen. Da nachaalataxac ÿataqta qui'itta qataq huo'o da l-lagaxayic.