2 Timoteo 4:3 - Nuevo Testamento Toba Sur

³ Cha'ayi huo'o qome ca na'a'q da na shiÿaxauapi sa ishit da ishiteguet da napaxaguenataxanaxac no'oita. Chaqdata da n'axaÿaxaata'a ca maichi lqopitaxanaqtaic, qataq nmitta'a da ÿotta'a't naq'en na napaxaguenaxala' da qaÿapaxaguenec cam n'axaÿaxaata'ai.

Nuevo Testamento Toba Sombrero Negro

³ Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

La'aqtaqa Ñim Lo'onatac 'Enauacna 2013

³ Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

2 Timoteo 4:3 Referans Kwoze

1 Timoteo 1:10

Na nqataxacpi nmit ca shiÿaxaua da ncachitapegue' ana 'alo, huo'otaq ca maichi lÿa 'eeta'am shiÿaxaua, nataq'en da decachiÿa ca lÿa, nataq'en da tenataxanaxaic, huo'otaq da i'axat ca 'eetega lataxac, qalaxayi chochi shipegaxanaxac. Na nqataxacpi nataq'en ividauga da nmit 'enauac na sa ÿalaxaguet da napaxaguenataxanaxac mayi no'oita.

Gálatas 4:16

Qaq nagui, ¿peta'a qami' ñipa'aguenaxa'u souaxat da aÿim 'eesa da qami' sa'axatema?

Lucas 6:26

Qataq choxodaxasodo' qami' qom no'on 'enauac da qan'aqtaguiiqui, cha'ayi nachida da 'eetec som hua'au lta'alpi namayipi, som tenataxanaxaicpi mayi 'enapec da l'aqtaxanaxanec ñi Dios.

Juan 8:45

Qaq cha'ayi aÿim sa'axattac dam 'eesa lataxac, nachi qami' sa ishit da aÿim qau'amaqchiñi.

1 Corintios 2:1

Ÿoqo'oyi qami' ÿaqaÿa't, co'ollaq qami' ñoqo'onalo da qami' sa'aqtaxanema da 'eesa lataxac mayi chigoqo'ot ñi Dios, qalaq sa ishit da saconalo naua ltaxaÿaxaco na ÿajnaxanaxaicpi, huo'otaq naua pooco n'aqtaqa.

Hechos 17:21

Cha'ayi 'enauac nam netaña na Atenas qataq 'enauac nam chigaqauecpi ÿataqta qaica ca lÿa n'aqtaxangui, nachaqdata da n'axaÿaxaata'ai da huo'o ca qai'axat dalaxaic.

1 Corintios 2:4

Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

Judas 1:18

da i'axattrac de'eda 'eeta': “Caua pa'atreec na'axa'te, qaq huo'o qome na shiÿaxauapi mayi ÿataqta ÿi'inai' da n'amqajnataxanaxac, qataq chochi quetague' nam maichi 'eetapeguecpi mayi qauem.”