2 Timoteo 4:2 - Nuevo Testamento Toba Sur

² da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

Nuevo Testamento Toba Sombrero Negro

² 'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

La'aqtaqa Ñim Lo'onatac 'Enauacna 2013

² Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

2 Timoteo 4:2 Referans Kwoze

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

1 Timoteo 4:13

Qom saxanaxa da 'am sovita, qalaxayi qoqueto'ot na naponaxac da 'autaxaÿaxaata'pe naua ñiyigui'shi l'aqtaqa ñi Dios, qataq da 'ai'añaqchit na qadqaÿañicpi, qataq 'auapaxaguen.

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Tito 1:13

Qaq ÿataqta 'eesa da l'aqtac. Ÿoqo'oyi nagui ÿataqta 'avidaxato'ot namayipi da qonapega, yaqto' ishit da no'oita da lpi'iÿaxac,

2 Timoteo 2:21

Qaq da huo'o ca nshitaique da 'ico' nogoxoshit mayi taiguet da ñi'oxoyic, qataq nshitaique da qaiqui'itaxatta, qataq nshitaique da taiguet da l'onataxanaxanec so qadataxala', qaq camayi nal'en da iÿouec 'enauac na sa ÿaÿamaxañi, qanachi ÿataqta taiguet ca camachaqca n'onataxanaxac ÿaÿamaqchiguiñi.

Gálatas 6:6

Qaq cam ÿaconguet da napaxaguenataguec da l'aqtac ñi Dios, qaq camayi no'on da nhuaate' ca napaxaguenaxala' 'enauac nam hueto'ot lsallaxa.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

2 Timoteo 3:10

Qalaxayi 'am mashi 'auaÿateeta da ÿapaxaguenataxanaxac, qataq da ÿataxac ÿaÿamaqchiguiñi, qataq dam shiitapeguec, qataq da ipi'iÿaxac, iualaxavic, isoxoyic, qataq da ñi'añaxateguet 'enauac na chochina,

1 Timoteo 5:20

Qalaxayi ca saq ÿaxaañi da lli'itaxaloxo, qalaq camayi ÿataqta 'auaconeu'a, ÿauaachigui naq'en 'enauac na laÿipi da qonapega, yaqto' namayipi nal'en da ñi'i.

Colosenses 1:25

Qaq maichi chigoqchigui ñi Dios da aÿim ÿanagui da i'onataxanaxac da yaqto' so'onataxaalec da qoñiita, qami' 'amqajnataxanaxaicpi, qataq da sa'axatta 'enauac da l'aqtac ñimayi,

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Hechos 20:7

Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

Hechos 16:13

Qaq huo'o so na'a'q mataxaqui, nachi saxaueegue da laÿi yi la ciudad, ñoqo'onaqaama so loigue so tala yim huaña naxa da qai'ot da nqouagaxaunaxac. Huaña, nachi ñiso'onaqtañi, nachi sa'axataqtapeguem da n'aqtac na 'alpi mayi lapoota'a't.

Lucas 9:60

Qalaxayi so Jesús 'enapeco': –Ña 'au'axaÿa'a nam 'ico' leuaxaicpi da ilayiñi nam lqatacpi. 'Am, qalaxayi qojec, 'au'axateec da ñi Dios nachiñi ñi ilo'ogue 'enauacna.

Lucas 7:4

Nachi soomayi co'ollaq ivildeu'a so Jesús, nachi ÿataqta lta'adaic da nachoxonnaxa'c, 'eeta': –Ñi'iñi lta'a na huataxanaq, ñimayi 'itchiguiñi da ishit da 'aulo'oguet da 'autauan,

1 Ts 5:20

Sa ishit da qau'otañi da l'aqtaxanaxac ca i'aqtaxanaxac ñi Dios.

Lucas 7:23

Qaq ÿataqta machiguiñi qome ca shiÿaxaua qom sa ishit da huo'otaq aÿim ÿoqolguet.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.

Hechos 28:16

Qaq can sovitaxau'a yi Roma, nachi som huataxanaq lta'a ÿaneu'a na ncoñitaguishicpi som ilotague' aso ncoñitaxanaxaqui. Qalaxayi so Pablo ÿaqa'a ca netaña qanqoÿin, qalaxayi qaÿauo'o so nhuataxaua.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.