2 Timoteo 4:18 - Nuevo Testamento Toba Sur

¹⁸ Qaq nachi taÿaueegue da aÿim ntelaqna'aguet 'enauac na sa ÿaÿamaxañisat, chochi aÿim ividaxatta'a da aÿim inoxonaqchiteu'a ca l'onataxanaxac mayi hueta'ague da piguem. Qaq somayi mayi hueto'ot da qadyacnataxanaxac chochaq tateec. Aja', nachi 'eetec de'eda.

Nuevo Testamento Toba Sombrero Negro

¹⁸ Nataq'aen nach'e eta't ñe'me Jaliaĝanec jayem yachiyoĝotedaue yemeda jogaa'me ja 'noe'n, chayovida'a da'me yataqata jayem nec'alaĝategue, qama'le jayem yauega di'me lejaliaqa' jo'ne ja 'nalegue. ¡'Noota qom nach'e eta't jaloĝonaq da'me onaĝaic lejaliaĝa joñe'me! Jaja'a, nach'e naq'aeta da'me dojo'.

La'aqtaqa Ñim Lo'onatac 'Enauacna 2013

¹⁸ Qataq aỹem isoueeguesop 'enauac nam qauem qataq aỹem nca'alaxatec, ime, nache aỹem ỹauegueua'a da lo'onataxanaxac maye ỹataqta lta'araic da llo'oxoyec chochaq tatec. Aja', nache 'eetec de'era.

2 Timoteo 4:18 Referans Kwoze

2 Ts 3:3

Qalaxayi so qadataxala' mayi sa ÿatenachit ca l'aqtac qami' itauanque da qami' 'añaxaiqa, qataq qami' ntelaqna'agueta na sa ÿaÿamaxañisat.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Corintios 1:10

Ñimayi nachiñi ñi qomi' nca'alaxateeguesopa co'olloxochiyi da lta'adaic nleuaxa, qaq ñaq 'eetalec nagui da qomi' nca'alaxattrapeguec. Qataq ñaquitaqta'a ñimayi da nachi 'eetai' da qomi' nca'alaxattrapeguec,

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Mateo 13:43

Nachi nam i'ottac ca ÿaÿamaxadeeta ñi Dios, namayipi na l'edaxa 'eeta'am añi nala' qom huetaigui ca l'onataxanaxac ñim lta'a. Qaq qami' da qauaÿajñi da qan'axaÿaxanaxaqui, qaq ¡no'on da qan'axaÿaxañi!

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Lucas 12:32

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

1 Timoteo 6:16

Ñimayi mayi chochi tateec, qataq huetaigui na n'edaxa mayi sa ishit da qanhuogou'a. Qaica ca shiÿaxaua ishit da ila'a. Ñimayi mayi hueto'ot da lli'oxoyic qataq da l'añaxac chochi tateec. Aja', nachi 'eetec de'eda.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

1 Pedro 5:11

Qaq ñimayi mayi lalamaxat da lli'oxoyic qataq da l'añaxac mayi chochaq tateec. Aja', nachi 'eetec.

1 Timoteo 1:17

Ÿoqo'oyi nagui sanaxam ñi qadta'a Dios da qayi'oxonnataxanaxa qataq da qadyacnataxanaxac mayi chochi tateec. Ñimayi qaica ca loga't, qataq sa ishit da qaila'a. Ñim Dios mayi qaica ca lÿa 'en'am, qataq ÿajnaxanaxaic. Aja', nachi 'eetec de'eda.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

Gálatas 1:5

Qaq ÿoqo'oyi ¡nachi 'eetai' qome da qaÿi'oxodeetac ñi Dios! Aja', nachi 'eetec de'eda.

Romanos 16:27

¡Qaq ñim Dios, mayi qaica ca lÿa qataq ÿajnaxanaxaic, nachi 'eetai' qome da qaÿi'oxodeetac, souaxat so Jesucristo! Aja', nachi 'eetec.

Lucas 22:29

Qaq ÿoqo'oyi aÿim qami' sanema qome ca qad'onataxanaxaqui da qauloÿigue 'enauacna, 'eeta'am da 'eetec ñi ita'a da aÿim ÿanem da i'onataxanaxac,

Lucas 11:4

Qataq 'auapalaxat dam qadasouaxashit, cha'ayi qomi' nataq'en sapalaxataq 'enauac nam qomi' qai'oteque qauem. Qataq sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 15:50

Qami' ÿaqaÿa't, da sauotaique da qami' sa'axatema 'eeta': de'eda yi'oqchigui qad'oquiaxac sa ishit da inoxoneu'a ca l'onataxanaxac ñi Dios mayi ñaq natai'. Cha'ayi ca ishit da nlaguiñi, sa ishit da taÿapegueu'a cam qaica ca loga't.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

Hebreos 11:16

Qalaxayi somayipi ña ipactega cam ÿataqta no'on lalamaxat lma', cam nma' mayi hueta'ague da piguem. Qaq ÿoqo'oyi ñi Dios sa ishit da n'aloxootac da namayipi ÿamata'ac ñimayi da ÿataqta lta'a Dios, cha'ayi ñimayi sogote da ÿaqataxaatapigui' cam naciudad namayipi.

Hebreos 12:22

Qalaxayi qami' qome, qalaq qanqo'oñiishiguemec aca qasoxonaxa l'enaxat Sión, yim naciudad ñi Dios mayi nachi 'eetai' da nca'altauec, yim Jerusalén mayi hueta'ague da piguem, yim hueta'a nam ÿataqta qalota namaxashic piguem l'ecpi,

2 Pedro 1:11

Qaq yaqto' qami' qoÿanema da qaica ca qami' npaxategueta da qaunoxoñiu'a cam chochaq tateec l'onataxanaxac da ilo'ogue 'enauacna so qadataxala' qataq qadca'alaxaqui Jesucristo.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.