2 Timoteo 4:10 - Nuevo Testamento Toba Sur

¹⁰ Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Nuevo Testamento Toba Sombrero Negro

¹⁰ qa'a ñe'me Demas jayem ca'e, en p'ajaye da'me loqopich'i jena'me ua'ña jena'me aleua, qama'le dajoyi di'me Tesalónica. Jo'me Crescente dajoyi di'me aleua Galacia, qama'le ñe'me Tito yec'ata di'me aleua Dalmacia.

La'aqtaqa Ñim Lo'onatac 'Enauacna 2013

¹⁰ Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

2 Timoteo 4:10 Referans Kwoze

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

2 Corintios 2:13

Qalaxayi da iquiyaqteÿaxac ÿataqta qaica ca lamaxayic souaxat da sa ñauane' so qadqaÿa Tito. Ÿoqo'oyi nachi ñicoyiguene' yimayipi da ñanaÿa na 'alhua Macedonia.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Filemón 1:24

qataq ñi Marcos, Aristarco, Demas qataq ñi Lucas mayi aÿim itauaata'pe de'eda i'onataxanaxac.

2 Timoteo 4:16

Se'eso na'a'q co'ollaq chita'ague da so'ot so hua'auchiguiñi itaxaÿaxac da setaxaÿapegue' na nta'alpi, qalaq 'enauac da aÿim qaÿalata'a't, qaica ca aÿim nachaateu'a da aÿim detaqlec. Qalaxayi 'onaxaic da ñi Dios sa ishit da ilogui qome de'eda.

Filipenses 2:21

Cha'ayi 'enauac nam laÿipi chochi huo'o cam naquittaique, qaq sa ishit da i'ot cam 'eetapeguec so Cristo Jesús.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Hechos 17:1

Qaq da lliquiaxac so Pablo qataq so Silas tajdelec yi Anfípolis qataq yi Apolonia. Ime, nachi nqo'ooda yi la ciudad Tesalónica. Qaq yimayi huo'o aso laponaxaqui na judiopi.

2 Pedro 2:15

Qataq namayipi isomtac, cha'ayi maichi ca'ai da ñiquiaxac mayi ÿaÿamaqchiguiñi souaxat da quegue da lataxac so l'aqtaxanaxanec ñi Dios, l'enaxat Balaam, som llalec so Bosor, som i'ot co'ollaxa da sa ÿaÿamaxañi souaxat da nshitaique da nauec da nshiitenaguec.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

Gálatas 1:2

Aÿim qataq 'enauac nam qadqaÿañicpi mayi aÿim hueta'aguet qami' samaxasaxalo ana qodede, qami' 'amqajnataxanaxaicpi mayi qoñiitaña na 'alhua Galacia.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.

Hechos 18:23

Qaq co'ollaq mashi huo'oi soua na'axa'te da hueta'a yimayi, nachi qaltaq inoxoneec, quetaguilo yiua 'ale'u Galacia qataq yi Frigia, da i'añaqchittac 'enauac na 'amqajnataxanaxaicpi.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Hechos 15:38

Qalaxayi so Pablo sa ÿaÿamaxaden da ÿoltaq qaÿauec somayi, cha'ayi mashi n'onaxatchiguilo soomayi co'ollaq huaña yi Panfilia, nachi sa ishit da ca'atoiguilo soomayi da l'onataxanaxa'u.

Hechos 13:13

So Pablo qataq soua lÿa't huenotreuo, chigoqchiyiña yi Pafos da nqo'ooda yi Perge mayi huaigui yim 'alhua Panfilia, qalaxayi so Juan Marcos ÿi'iguelaxague da Jerusalén da saq ca'atoiguilo soomayi.

Lucas 17:32

Qaq qauennachi qome da 'eetec aso lhua so Lot.

Lucas 16:13

Qaica ca nlatac da ishit da do'onataxanoto caua dos n'aco'yi, cha'ayi da huo'otaq nquiÿa ca lÿa, qataq ÿauotec ca lÿa; huo'otaq da sa ishit da ÿaxaneec ca 'oonolec, qaq ca lÿa ÿaÿimec. Qaq sa ishit da qai'onataxanot ñi Dios qataq da nsallaxa.

Lucas 14:33

Qaq 'eda da 'eetec da huo'o ca camachaqca 'oonolec da qoñiita da sa ishit da ÿaxaneec 'enauac nam hueto'ot, nachi camayi sa ishit da ÿapaxaguenatac.

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

2 Corintios 8:23

Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.