2 Timoteo 3:8 - Nuevo Testamento Toba Sur

⁸ Namayipi 'eeta'ama soua 'oiquiaxai Janes qataq so Jambrés mayi dataida'aguet co'olloxochiyi so Moisés. Qaq nataq'en 'eeta'am ne'ena shiÿaxauapi ÿataqta dataÿa'aguet da 'eesa lataxac. Namayipi mashi sotaq ÿaÿamaq da lauattonaxanaxac, qataq npe'eneueegue da lliquiaxac da npi'iÿaxac.

Nuevo Testamento Toba Sombrero Negro

⁸ Qama'le naa'me naajo' jiyaĝa'u ena'ama jodia'me Janes choqodi'me Jambrés ca'li nauoteteda ñe'me Moisés, qama'le nach'e ena'ama naa'me naajo' jiyaĝa'u nauoteteda da'me yataqata eja. Nach'egaua jiyaĝa'u jo'ne ja 'noe'n naa'me lai'li, nataq'aen joote qoyajaĝadegue jena'me jenjo' qadepi'iyaĝac.

La'aqtaqa Ñim Lo'onatac 'Enauacna 2013

⁸ Namayepi 'eeta'ama soua huo'o da no'onataxa'c Janes qataq so Jambres maye dataira'aguet co'olloxocheye so Moisés. Nataqa'en ne'ena shiỹaxauapi ỹataqta dataỹa'aguet da 'eesa lataxac maye na'aqtaguec Ñim Lo'onatac 'Enauacna. Namayepi mashe sotaq ỹaỹamaq da lauattonaxanaxac, qataq sa ỹaỹaten da llec da qaipi'iỹa'a Ñim Lo'onatac 'Enauacna.

2 Timoteo 3:8 Referans Kwoze

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

2 Timoteo 4:15

Maxatchaxa, 'advita'agueto' qome, cha'ayi somayi ÿataqta dataÿa'aguet da qad'aqtaxanaxac.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

1 Timoteo 4:2

Qataq n'axaÿaxaatega na saq ÿataxalec qataq tenataxanaxaic mayi mashi ÿavic da ntounaxac, ÿoqo'oyi sotaq nomguet da i'ot ca ÿaÿamaqchiguiñi.

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Apocalipsis 2:6

Qalaxayi huo'o da ÿaÿamaxannataxanaxa da qoneta. Cha'ayi ÿataqta 'adquiÿa nam i'ottacpi nam quetague' da lapaxaguenataxanaxac so Nicolás, nam nataq'en aÿim iquiÿaxat.

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

Tito 1:10

Cha'ayi mashi saqalota na sa ÿalaq, lamaaxa na judiopi. Namayipi ltaxaÿaxaco naua chochi n'ajnaxaiqa, qataq ÿatenachittalec na shiÿaxauapi.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.