2 Timoteo 3:3 - Nuevo Testamento Toba Sur

³ Namayipi sa dechoxonnataxan, qataq sa nauote' ca lÿa, qataq n'aqtaqa l'o', sa ishit da maichi ntel-la't, qataq yiloxoic, qataq sa ishiteguet na ÿaÿamaqchiguiñi.

Nuevo Testamento Toba Sombrero Negro

³ Naqaegaua jiyaĝa'u jo'ne qaya'te loqopich'i, nataq'aen qaya'te lichoĝodenataĝanaĝac, male qovinaĝanaĝayaqa, nataq'aen ja yaqanate't ta'le ja yauote ga'me lamanaĝanaĝa'j, yataqata qaleuaĝayaqa, male nauteta da'me 'noota.

La'aqtaqa Ñim Lo'onatac 'Enauacna 2013

³ Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

2 Timoteo 3:3 Referans Kwoze

Judas 1:18

da i'axattrac de'eda 'eeta': “Caua pa'atreec na'axa'te, qaq huo'o qome na shiÿaxauapi mayi ÿataqta ÿi'inai' da n'amqajnataxanaxac, qataq chochi quetague' nam maichi 'eetapeguecpi mayi qauem.”

Romanos 1:31

qaica ca ÿaÿajnapec, sa ishit da ipaguelguete naua l'aqtaqa, sa ishit da huo'o ca ÿauotec, sa ÿaÿaten da ichoxoden ca lasouaxashit ca lÿa, sa ishit da doqouagaxanaqta.

Mateo 10:21

Na shiÿaxauapi i'otec qome ca maichi lqaÿa da qaÿalauat, qataq ca shiÿaxaua i'otec qome ca maichi lalamaxat llalec da qaÿalauat. Qataq ca nsoq maichi npa'aguene' ca lta'a, nachi damaxasoxoolec da qaÿalauat.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

Mateo 4:1

Qaq co'ollaq mashi ime de'eda, nachi so Espíritu Santo ÿauega so Jesús ca tojlec 'alhua, da yaqto' so shiÿaxaua lma'na ÿi'iguen somayi.

Apocalipsis 17:6

Qaq can ime, nachi aÿim ñanoma da asa'aso 'alo taxai. Asomayi itaqchit na ltago'q nam lalamaxatpi ñi Dios qataq nam qaÿalauatpi souaxat da i'axattac so Jesús. Qaq can sauaachigui de'eda, nachi ÿataqta huo'o da i'aalaxa.

Apocalipsis 16:6

Cha'ayi 'anÿomaxangui na ntago'q namayipi, qaq damayi ÿataqta 'itchiguiñi, cha'ayi namayipi icodaxatreec co'ollaxa naua ltago'q nam 'adalamaxatpi qataq nam i'axatta'pe naua 'ad'aqtaqa.

Apocalipsis 13:17

Huaña, nachi sa ishit da huo'o ca deshijnaxana qataq da huo'o ca imen cam sa ishit da huo'o aca n'anaqte, huo'otaq cam l'enaxat som shiguiÿac, huo'otaq yi ivi' so l'enaxat.

Apocalipsis 13:15

Nachi se'eso ÿaqa'aguet shiguiÿac, somayi qoÿanem da n'añaxac, da yaqto' ishit da nca'aleec naq'en som n'enaqtac lqui'i som hua'auchiguiñi shiguiÿac, da yaqto' se'eso n'enaqtac ishit da detaqa, qataq 'enauac nam sa ishit da ÿi'oxoden asomayi, qalaq ishit da qaÿalauat naq'en.

Judas 1:16

Namayipi taxaÿaxaicpi qataq quetapeguelec ca lÿa. Chaqdata da nmitta'ai cam maichi lqopitaxanaqtaic. Qataq naua l'aqtaqa ÿataqta ñi'oxonnaxaiqa. Qataq da detaxaÿa ca lÿa shiÿaxaua, qalaq ÿataqta iyaata, cha'ayi chochi naquitta'a.

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

Santiago 2:6

Qalaxayi qami' qauauoita'a da l'aloxo nam choxodaqpi. ¿Peta'a sa nachino' na sallaxanecpi da ÿauo'o da qanque'ejnaxaqui? ¿Sa nachino' nam qami' ÿauecau'alo na nta'alpi?

Tito 2:3

Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

Tito 1:8

Chaqdata da nloshiguem, sa ishit da sa ilo'oguet ca lÿa da namaxasoxoic, qataq nqopita da i'ot ca ÿaÿamaqchiguiñi. Nloteec, no'on da lataxac, qui'itta, ilotegue da nachaalataxac.

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

1 Corintios 7:9

Qalaxayi da sa ishit da nalo'oguet da 'eeta, qaq 'onaxaic da ÿataqta huadon, cha'ayi sa ÿaÿamaxañi da nachi 'eetai' da dapaqtac.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

Juan 6:70

Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

Lucas 16:14

Nachi hua'aqtega 'enauac de'eda nam fariseopi mayi ÿataqta lqopitaxat da nsallaxa, nachi ÿi'iitac so Jesús.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.