2 Timoteo 3:16 - Nuevo Testamento Toba Sur

¹⁶ 'Enauaque naua ñiyigui'shi l'aqtaqa ñi Dios, namayi ÿilyiñi naq'en co'ollaxa so l'aqtaxanaxanecpi. Qaq naamayi taiguet da qaÿapaxaguenataxanque, qataq da qaÿachaxanataxana ca lataxac, qataq da qaÿaÿamaxajñi ca nasouaxashit, qataq da qaÿachaxanataxana da llic da achaalataxac qui'itta,

Nuevo Testamento Toba Sombrero Negro

¹⁶ Qa'a yemeda naa'me Dios 'laqataqa yataqata uetedaye da'me 'lañaĝac ñe'me, nataq'aen yataqata 'uo ga'me chiyaqayi nale qodapaĝaguenataĝaneque, nataq'aen yaqanatet ta'le en qodaloĝonataĝana da'me qadepe'e, chayovida'a male qoloqochiyaĝanaĝanec ga'me jiyaĝaua qaedi male 'uo ga'me nejiyaĝauayaĝac yataqachiñe chimaqategue,

La'aqtaqa Ñim Lo'onatac 'Enauacna 2013

¹⁶ 'Enauaque naua ñiyigui'she la'aqtaqa Ñim Lo'onatac 'Enauacna, naamaye ỹilyiñi naqa'en co'ollaxa so la'aqtaxanaxanecpi. Namayepi taiguet da qaỹapaxaguenataxanec, qataq da qaitaunaxanot da huo'o ca qaỹaỹamaxaañi nataxac, qataq da qaỹachaxan ca ỹoqta llec da achaalataxac,

2 Timoteo 3:16 Referans Kwoze

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Marcos 12:24

Nachi so Jesús 'enapeco': –Qami' qausomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Hechos 20:20

Qalaxayi aÿim sa ishit da saxaañi da qami' sa'axattapeguema 'enauac nam qami' i'oteque ca ÿaÿamaqchiguiñi, qaq qami' sapaxagueeta'pe da huo'o na naponaxac qataq da huañalo naua qadma'chilli'.

Juan 3:20

Qaq 'enauac nam i'otta'pe naua qauema, namayipi ÿataqta nquiÿa so yi'oqchiguiñi, qataq sa ishit da nqo'oneu'a somayi, cha'ayi nshitaique da sa ishit da yi'aqleguete naua i'otta'pe qauema.

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.

Hechos 18:25

Qataq ÿataqta ÿaÿaten da lliquiaxac da l'onataxanaxac ñi qadataxala', nachi da dapaxaguenataxaatac ÿataqta huo'o da lhuogoxo da i'axattegue da llic so Jesús, qaq nai'ctaxa da ndoteec da lachilaxanataxanaxac so Juan da ÿaÿaten da i'axategue.

Romanos 2:20

Qataq 'aupi'itaxaatega da 'am 'auaÿaten da lataxac da 'auapaxaguen cam qaica ca ÿaÿajnapec qataq nam dalaxaicpi, cha'ayi nam nqataxacpi imatta't 'enauac nam lataxaguesat dam nauattonaxanaxac qataq dam lataxac mayi 'eesa.

Gálatas 3:8

Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Hebreos 3:7

Qaq ÿoqo'oyi naua nanettrañi l'aqtaqa so Espíritu Santo 'eeta': Nagui da qami' qau'aqaichigui ca 'enapec ñi Dios,

1 Corintios 12:7

Qaq ñi Dios ÿanem ñi 'oonolec shiÿaxaua ca lshitaxanaxat mayi ichoxot naq'en so Espíritu Santo da ÿauotaique ntaunaxat 'enauac na shiÿaxauapi.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

Juan 10:35

Qaq qomi' saÿajnaq da naua nanettrañi l'aqtaqa ñi Dios naamayi sa ishit da qaÿoqolgue't, qataq da ñi Dios ÿamata'ac da diospi som shiÿaxauapi mayi ÿaconguet da l'aqtac.

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Mateo 21:42

Nachi so Jesús 'enapeco': –¿Qami' peta'a sa ÿauanapego' da qautaxaÿaxañi' naua ñiyigui'shi l'aqtaqa ñi Dios? Mayi 'eeta': Ca coma' mayi i'otan nam noÿic l'opi, nachica nagui cam nllañi ca noÿic. Qaq damayi chigoqchigui da i'ot ñi qadataxala'. Qaq damayi ÿataqta qaica ca 'en'am ñaqashinaq da lli'oxoyic.

Romanos 4:23

Qanachi de'eda 'eetec somayi da ñi Dios ÿaÿamaxadeeta qataq ÿamata'ac da no'on shiÿaxaua souaxat da lpi'iÿaxac, damayi qoÿiyiñi, qalaxayi sa ishit da nachaqsota so Abraham,

Hebreos 11:1

Da huo'o da qadpi'iÿaxac, qaq nachida da ÿoqta 'eesa naq'en da saconaxaguet cam seuataqtaique, qataq nachida da ÿoqta 'itchiguiñi naq'en da yi'oq cam sa ishit da cha'a.

Romanos 3:2

Qomyi qalota, qataq qalota na lataxaguesat da namayipi napacalec ca lÿa. Cha'ayi da hua'auchiguiñi 'eeta': Ñi Dios ipataxalec co'ollaxa na judiopi da l'aqtac.

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Mateo 26:54

Qalaxayi da nachi 'eetec de'eda, qaq ¿huá'ago' da ishit da ipacchigui cam 'enapec naua ñiyigui'shi l'aqtaqa ñi Dios, mayi i'axa't co'ollaxa da nachi qoÿiitec de'eda?

Mateo 22:43

Nachi so Jesús 'enapego' somayipi, 'eeta': –Qalaq ¿tá'ainco' qone' so David yi co'ollaq i'aqtaxanaxan so Espíritu Santo, nachi ÿamata'ac camayi da lataxala'? Cha'ayi so David 'enapeco':