2 Timoteo 3:11 - Nuevo Testamento Toba Sur

¹¹ qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

Nuevo Testamento Toba Sombrero Negro

¹¹ Nataq'aen auayaten da'me eeta da'me ñe'uaĝanaguec choqoda'me yachoĝodec, ena'ama jogaa'me jayem qo'yeteque ca'li joue'ta di'me noic jo'ne Antioquía, nataq'aen di'me Iconio choqodi'me Listra. ¡Yataqata t'adaic da'me qoyen yachoĝodec! Qalaĝaja yataqachiñe jayem lecochiya ñe'me Jaliaĝanec, yema jayem nec'alaĝate'guejop.

La'aqtaqa Ñim Lo'onatac 'Enauacna 2013

¹¹ qataq da ñecanaguec, qataq da ñeque'eenaxac. Qataq mashe 'auaỹateeta 'enauac nam qauem aỹem qaỹo'otec co'ollaq soota'a ye nỹecpi ye Antioquía, qataq ye Iconio, qataq ye Listra. Ñeque'etaxangui 'enauac na ñecanaguecsat, qalaxaye So Qarataxala' aỹem nca'alaxateeguesop 'enauac de'era.

2 Timoteo 3:11 Referans Kwoze

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

2 Timoteo 4:7

Mashi semat da seloctapeguelec da i'onataxanaxac, qataq senoxonaqchiteec da ñaloxoyaxac. Ÿataqta soolec da qadpi'iÿaxac.

Hechos 26:22

Qalaxayi souaxat da ltaunaxanaxac ñi Dios da shiita, ÿoqo'oyi nagui ñaq shicta da sa'axattapeguem ñimayi 'enauac na shiÿaxauapi, sa'aqtaxanem na saxanaxa da ÿi qataq nam ÿipi. Qaq sa ishit da huo'otaq ÿaqa'a ca i'aqtaxanaxac da sa'aqtaxan. Chaqdata da sa'axattac da l'aqtaxanaxac som hua'au l'aqtaxanaxanecpi ñi Dios qataq so Moisés da qai'axatta'aguet ca naÿa'cna.

Hechos 26:17

Aÿim qome 'am ñica'alaxateeguesop na judiopi, qataq nam ÿaqa'a ca chigaqa'ague, nam nagui 'am samaxa da 'anqo'ona.

Hechos 23:10

Nachi ÿataqta lta'adaic da cotaxac. Nachi som huataxanaq lta'a ÿataqta huo'o da lcolanaxa da qanaviigui so Pablo. Huaña, nachi damaxasoxoneuga so nallippi da yaqto' nqateeguesop somayipi so Pablo, nachi qaltaq ÿauegueu'a so lma' na huataxanaq.

Hechos 20:19

Qaq 'enauaque se'esoua na'axa'te da qami' soota'agueta da so'onataxaatacot so qadataxala', qalaq qaica da ñapagaqchiitac. Nda'a't da qalota da ñineenaxac, qataq qalota na ñi'iguenataguecpi mayi aÿim i'otec na judiopi.

Hechos 13:14

Qaq co'ollaq ime, nachi soomayi queda'ai yi Perge da nqo'ooda yi la ciudad Antioquía mayi huaigui yi 'alhua Pisidia. Qaq co'ollaq huaña yimayi, nachi nqo'oodeu'a aso laponaxaqui na judiopi so na'a'q mataxaqui, nachi nso'ooyiñi.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Hechos 14:8

Qaq yi Listra nachi naña so shiÿaxaua sa ishit da queuoÿapigui'. Qaq somayi nso'ootañi, cha'ayi nachi ÿachigoxotteuo co'ollaxa da saq piguiñi, nachi ÿataqta sa nauane' da queuotapigui'.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

2 Corintios 1:5

Cha'ayi i'enaxatteguet da qomi' ñiuanaqhua'a na saq llalcolec nque'ejnaxaguesat so Cristo, qaq nachi 'en'am chigoqchigui somayi da qan'añaqchitaguec ÿataqta saq llalcolec.

2 Corintios 1:7

Qaq ÿoqo'oyi ÿataqta huo'o da qadpe'e lta'adaic da qami' sepi'aqtalguete, cha'ayi saÿajnaqta da qami' qanhuañiÿau'a de'eda que'ejnaxac, qaq nataq'en qanhuañiÿau'a qome da l'añaqtaxanaxac ñi Dios.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.