2 Timoteo 2:9 - Nuevo Testamento Toba Sur

⁹ Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Nuevo Testamento Toba Sombrero Negro

⁹ Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,

La'aqtaqa Ñim Lo'onatac 'Enauacna 2013

⁹ Qaq nachera da huo'omshe huo'o da ñeque'eenaxac, choche sevitta'a da aỹem qaicoñettai', sheeta'am ca qalota na lasouaxashet. Qalaxaye da la'aqtac Ñim Lo'onatac 'Enauacna saishet da qaicoñettai'.

2 Timoteo 2:9 Referans Kwoze

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Hechos 28:31

Nachi ÿataqta qaica ca ndaqtaique da i'axattac da l'onataxanaxac ñi Dios da ilo'ogue 'enauacna, qataq dapaxaguenataxaatapeguec so qadataxala' Jesucristo. Ÿataqta qaica ca naxattac da l'aqtaxanaxac.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

1 Pedro 4:15

Qaq da huo'o ca 'oonolec da qoñiita da huo'o da nque'ejnaxac, qalaxayi sa ishit qome da souaxat da laataxanaxaic, huo'otaq cachaxaic, huo'otaq cam i'ottac na qauem, qataq tatapegueu'a ca sa lalamaxat.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Ts 3:1

Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.

Colosenses 4:18

Qaq aÿim Pablo maichi semapegue' da shiyiñi da iquinaxanaxac da qami' samaxalo. Qaq qauennachiÿa'a qome da aÿim qaicoñittai'. Qaq ñi Dios qami' ÿanema qome ca qanchoxonnataguiiqui. Aja', nachi 'eetec.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Pedro 2:14

huo'otaq na nta'alpi mayi lamaxashicpi camayi, da yaqto' ÿauo'o ca nhuaxanaguec cam i'ottac ca sa ÿaÿamaxañi, qataq da ÿi'oxoden cam i'ot ca ÿaÿamaqchiguiñi.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Lucas 23:32

Qaq nataq'en qaÿauecta'agueta soua dos shiÿaxa'u mayi l'onataqa naua qauema da qaÿauotaique da nalaataxa'u qanqoÿin so Jesús.

Hechos 21:33

Nachi so huataxanaq lta'a nqochineuo, nachi ÿaconeu'a so Pablo, nachi damaxasoxoolec da qaicoñida'aque naua lhua'q soua lque'te. Qaq co'ollaq ime, nachi dechimaqtaxaatapeguelec somayi qataq chaq negue't cam i'ot.

Filipenses 1:17

Qalaxayi nam laÿipi ÿataqta quetaigui da lauotaxanaqtaic, cha'ayi namayipi ÿaÿaten da aÿim soota'a ne'ena, da yaqto' setaqlec da n'aqtac mayi chigaqaigui da nca'alaxa.

1 Ts 1:8

Cha'ayi qami' chigoqtoiguilo da huo'o mshi saqaÿoqtegue da n'aqtaguec so qadataxala' Jesús. Qaq sa ishit da chaqyita yi Macedonia qataq yi Acaya. Nataq'en na shiÿaxauapi mayi netalguete naua saqaÿoqtalo 'ale'u, namayipi ÿaÿaten da huo'o da qadpi'iÿaxaqui ñi Dios. Qaq ÿoqo'oyi qomi' sa iuen da qaltaq sa'axataq de'eda.

2 Timoteo 2:3

Qaq 'am ÿataqta 'an'añaxategueto' 'enauac na que'ejnaxaguesat, 'au'enaxatchiguio' ca laxadaic ale da 'am nale so Jesucristo.