2 Timoteo 2:7 - Nuevo Testamento Toba Sur

⁷ 'Auennataxaalco' qome de'eda shiitega, qaq so qadataxala' 'am ÿami' da 'auaÿaten 'enauac de'eda.

Nuevo Testamento Toba Sombrero Negro

⁷ Auenate'talo naa'me naajo' 'yaqataqa jo'ne am janema, qa'a qomle ñe'me Qadejaliaĝanec male naqaeñe en yataqata auayaten ga'me yelo'tegueta.

La'aqtaqa Ñim Lo'onatac 'Enauacna 2013

⁷ 'Auennataxaaleco' qome de'era sheetega, qaq So Qarataxala' 'am itauan da 'auaỹaten 'enauac de'era.

2 Timoteo 2:7 Referans Kwoze

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Lucas 24:45

Huaña, nachi ÿanem somayipi da ÿaÿate'n naq'en naua ñiyigui'shi l'aqtaqa ñi Dios.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

1 Timoteo 4:15

Qataq qouapegue' de'eda shiitega, ÿataqta 'anañanguet, yaqto' 'enauac qaila'a da 'adañaxataxac.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Juan 16:13

Qalaxayi qom anac cam Espíritu mayi ÿoqta 'eesa, nachi camayi qami' ÿapaxaguenque 'enauac nam lataxaguesat mayi 'eesa; cha'ayi camayi sa ishit da maichi nalligoxottela't ca l'aqtaxanaxac, chaqdata da i'axat 'enauac nam hua'aqchigui, qataq qami' ÿaÿajnaxanaxanque cam ñaq naÿa'cna.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

Hebreos 12:3

Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

Hebreos 7:4

Qaq nagui qami' qauloichigui da 'eetec da l'amaqchic se'eso Melquisedec. Qaq ÿoqo'oyi som hua'au qadta'a Abraham ÿanem co'ollaxa somayi añi 'oonole nam diez na lhuotaxanaxatpi mayi ÿachigoxotaigui so nta'alpi mayi nalattague' co'ollaxa.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

Hechos 7:10

ÿoqo'oyi ÿiltaxanguet 'enauac na nque'ejnaxaguesat, qataq ÿanem da laÿajnaxanaxa qataq ÿanem da nchoxonnataguec. Nachi so lta'a nam netaña yi Egipto, l'enaxat Faraón, ÿanagui so José da nta'a yi 'alhua Egipto, qataq da ilo'ogue so lma' somayi.

Santiago 3:15

Cha'ayi de'eda naÿajnec sa ishit da nachida da naÿajnec mayi chigoqo'ot ñi Dios. Damayi nachida da naÿajnec lma'na, chigaqaigui da lqopitaxanaqtaic na shiÿaxauapi, qataq nataq'en so shiÿaxaua lma'na.

Lucas 9:44

–Ña qan'axaÿaxañiichigui da shinapec, qataq sa ishit qome da qaucouaÿa'ai, da ne'ena shiÿaxaua llalec qoÿanoigui qome na shiÿaxauapi, qaq namayipi maichi ÿoiqueetac qome.

2 Timoteo 2:6

Nataq'en ca shiÿaxaua da huetauga ca nanaxanqa' da do'onataxaatac, camayi mayi hua'auñi ÿaconguet da alaÿaxac da l'onataxanaxac.

2 Timoteo 2:8

Sa ishito' qome da 'aucoua'ai so Jesucristo mayi chigoxoguet so nta'a David. Somayi Dios nca'aleec naq'en. Qaq 'eda da n'aqtac mayi chigaqaigui da nca'alaxa mayi sa'axattapeguec.