2 Timoteo 2:3 - Nuevo Testamento Toba Sur

³ Qaq 'am ÿataqta 'an'añaxategueto' 'enauac na que'ejnaxaguesat, 'au'enaxatchiguio' ca laxadaic ale da 'am nale so Jesucristo.

Nuevo Testamento Toba Sombrero Negro

³ Qama'le da'me am jo'ne yataqata am nejoĝonec ñe'me Cristo Jesús, 'noota qom anapogaĝadenegueta jo' qomle gaa'me qoye'n adachoĝodeco.

La'aqtaqa Ñim Lo'onatac 'Enauacna 2013

³ Qaq 'am ỹataqta 'ana'añaxategueto' 'enauac na que'eenaxaguesat, 'aue'enaxatchiguio' ca laxaraic ale da 'am nale So Jesucristo.

2 Timoteo 2:3 Referans Kwoze

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Hebreos 10:32

Qalaxayi qami' qauennachi qome da 'eetec soua hua'a'u vi'iyi co'ollaq qami' chita'ague da qami' qaicoÿadelguete. Huaña, nachi ÿataqta huo'o da qadhualaxaviqui da qan'añaxachiiguet da qanque'ejnaxaqui souaxat da qanloquiaxaqui.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

1 Timoteo 1:18

'Am ÿalec Timoteo, 'am sami' da ÿaqataxac, cha'ayi ñishitaique da qoquetalec da 'auloctapeguelec da 'ad'onataxanaxac, qalaxayi nachida da 'adpi'iÿaxac, qataq da ÿaÿamaqchiguiñi 'advilÿaxac. 'Aupactelco' qome da 'an'aqtaguec mayi chigaqaigui na Dios l'aqtaxanaxanecpi.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

2 Corintios 1:6

Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

Hebreos 11:27

So Moisés nataq'en souaxat da lpi'iÿaxac, nachi somayi ca'ai yi 'alhua Egipto, sa ishit da ñi'itega da layiloxo so nta'a. Nachi somayi ÿataqta quetelec da lhuennataxac, 'eeta'am da ÿataqta iloto'ot ñi Dios mayi saq cha'a.

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

1 Corintios 13:7

Qataq n'añaxateguet 'enauac na chochina, cha'ayi huo'o da lpi'iÿaxac, naquitaxac, lhualaxavic.

1 Corintios 9:7

¿Négue't ca ishit da tau'a da nale ca nta'a, qaq maichi nshiiteetapeguela't? qataq ¿négue't ca ishit da ÿaañi ana uvas, qaq sa ishit da chic ana ala? qataq ¿négue't ca ishit da ilotague' ana qagueta, qaq sa ishit da chic na lchi' mayi nlomtac?

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Filemón 1:2

qataq 'enauac nam 'amqajnataxanaxaicpi mayi laponqa' na 'adma', nachi 'en'am aca qadqaÿa Apia, qataq ca Arquipo mayi nataq'en ale, 'eeta'ama qomi'.

Hechos 23:31

Nachi so huataxanaqpi i'ot dam l'aqtac so nta'a. Nachi se'eso pe qaÿacoosop so Pablo, qaÿaueegue da Antípatris.