2 Timoteo 2:19 - Nuevo Testamento Toba Sur

¹⁹ Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Nuevo Testamento Toba Sombrero Negro

¹⁹ Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

La'aqtaqa Ñim Lo'onatac 'Enauacna 2013

¹⁹ Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

2 Timoteo 2:19 Referans Kwoze

Juan 10:14

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

1 Corintios 8:3

Qalaxayi da huo'o ca ÿauotec ñi Dios, qaq ñimayi ÿataqta ÿauattoota camayi.

Lucas 13:27

Qalaxayi camayi qami' 'enapegalo, 'eeta': “Aÿim mashi qami' shinapegalo da aÿim sa saÿaten ca qauachigoqoita'ague. Aÿim qoquiÿa'ai 'enauac da qoñiita, 'enauac qami' mayi qau'ochiitac da sa ÿaÿamaxañi.”

Gálatas 4:9

Qalaxayi nagui da qauauattoñi ñi Dios, huo'otaq da ñimayi qami' ÿauatto'n, nachi ¿táloxochiyictoxo' qami' da qaltaq qavi'iguelaqaitega dam napaxaguenataxanaxac mayi qaica ca l'añaxac qataq qaica ca naigui da qaltaq qoviito'ot, da yaqto' qami' l-lataqa?

Apocalipsis 3:8

Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.

Apocalipsis 22:4

Huaña, nachi qanma'ai' da qanauane' ñimayi. Nachi na lata'pi namayipi, nachi nanettalguete ca l'enaxat.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Mateo 7:23

Qalaxayi aÿim shinapega qome, shiita': “Sa ishit da qami' sauatto'n. Aÿim qoquiÿa'ai, qami' mayi qau'ochiitac na sa ÿaÿamaxañi.”

Efesios 3:15

ñim chigoqo'ot na l'enaxat nam ÿotta'a't nhuo' l'ecpi mayi netalec ana 'alhua qataq nam lamaxashicpi mayi hueto'ot na piguem.

Romanos 15:20

Qaq ÿataqta huo'o da iuogoxo da sa'axattac da nca'alaxa nam huañalo da saxanaxa da qai'axat da l'enaxat so Cristo, da yaqto' sa ishit da 'ico' shiita'am ca n'oxooshiguem ca noÿic mayi ÿaqa'a ca lapaxañi ca l'oxonaxala'.

Hechos 15:17

yaqto' 'enauac nam laÿipi shiÿaxauapi aÿim nmitaique mayi aÿim Dios, qataq 'enauac nam ÿotta'a't shiÿaxauapi mayi seÿaxana da sauotaique ÿalamaxatpi.

Mateo 7:25

Qaq da ivita da anac na auot, qataq da i'auat so tala, qataq da anac na l'at lta'adaic, qalaq sa ishit da ÿañoxot da ÿalolaxajñi se'eso noÿic, cha'ayi ÿataqta n'oxootelec qanqoÿin so coma'.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.

Marcos 13:22

Cha'ayi qalota qome na tenataxanaxaicpi anac, 'eetega da nta'a nca'alaxaqui, huo'otaq da l'aqtaxanaxanec ñi Dios. Nachi namayipi qome i'ot na lta'adaic n'anecpi qataq nam sa qaÿauanapigui, da yaqto' datenataxan. Qaq sa iuena'a qome da nataq'en ishit da ÿatenachit na maichi lca'aguishicpi ñi Dios.

Romanos 9:11

Cha'ayi soomayi co'ollaq saxanaxa da ñiyiñi, qataq saxanaxa da huo'otaq huo'o ca i'ot ca no'on huo'otaq ca qauem, qalaq ñi Dios 'enapega aso Rebeca, 'eeta': “Yim ÿi yiua 'ai'alqa, nachiyi qome yi l-latac yim n'asa.” Qaq damayi nateeteguet da 'enapec naua ñiyigui'shi l'aqtaqa ñi Dios mayi 'eeta': “Ÿauotaxat so Jacob, qaq so Esaú qalaxayi sa ishit.” Huaña, nachi ÿoqta yi'oqteec da 'eetec ñi Dios da maichi lca'ateu'a cam tajlec yi lavilÿaxac da iÿaxana, qaq sa ishit da ilotagui ca 'eetec ca i'ottac.

1 Timoteo 6:19

Yaqto' de'eda sa yi'oq lsallaxa ishit da huo'o da naquitaxac naq'en cam ñaq natauo, qataq ishit da nauec ca achaalataxac chochi tateec.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Hechos 9:14

Qaq camayi nagui nachi naÿa'a ne'ena souaqta'a, nachitac da l'aqtac na lataxala'pi na ntaxaÿaxanaxanecpi, da yaqto' ÿauec da icoñi' 'enauac nam iÿaxaatega da 'ad'enaxat.

Juan 13:18

Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':

Lucas 6:48

Camayi 'eeta'am ca shiÿaxaua mayi i'ot ca lma', qaq i'auaxaañi da deshidaxan, ÿataqta qaÿoqchiguingui naq'en ca lshidec. Ime, qaq lapaxañi ca coma' mayi l'oxonaxala' naq'en ca noÿic. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot que'eca noÿic. Qalaxayi sa ishit da ÿañoxot da ÿayigot, cha'ayi so noÿic n'oxootalec qanqoÿin so coma'.

Romanos 15:9

Somayi nataq'en anac da yaqto' nam sa ishit da judiopi ishit da ÿi'oxoden ñi Dios souaxat da lchoxonnataxanaxa, cha'ayi nachi 'enapec naua ñiyigui'shi l'aqtaqa ñi Dios, mayi 'eeta': Ÿoqo'oyi aÿim 'am shi'oxodeetac da sootangui na ÿotta'a't shiÿaxauapi, qataq so'ootac na n'onecpi mayi naigui da 'ayi'oxoyic.

Apocalipsis 21:14

Qaq se'eso lcopaqtaxat se'eso la ciudad, qalaq somayi n'oxootalguete qanqoÿin soua doce coma'yi. Qaq soomayi nachi nanettalguete naua l'enqa'te soua doce lamaxa'shi so qagueta llalec.

Hebreos 11:10

Cha'ayi so Abraham iuatta'a cam la ciudad mayi sa ishit da nlaguiñi, cam la ciudad mayi maichi l'enaqtac ñi Dios qataq maichi n'oxooshiguem.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

Hechos 11:26

Nachi nedaña yimayi, ÿalectraigui na 'amqajnataxanaxaicpi, ivi' 'oonolec vi'i. Nachi ÿataqta qalota na shiÿaxauapi na ÿapaxagueetrac. Qaq huaña yi Antioquía, nachi chita'ague da na 'amqajnataxanaxaicpi qailonec da quetague' so Cristo.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

Marcos 12:16

Nachi qanda'a aso 'oonole. Qaq co'ollaq ilolec, nachi denataxan, 'eeta': –¿Négue't ca lashic yi'iyi huetalec ana'ana, qataq yim n'enaxat mayi nanettalec? Nachi somayipi 'enapeco': –Qomyi nachiñi ñim lta'a na nta'alpi.