2 Timoteo 2:18 - Nuevo Testamento Toba Sur

¹⁸ Soomayi ilamaqdauec, queda'ai da 'eesa lataxac, 'eetrega da mashi 'ico' qanca'alaxateeguesop na leuaxaicpi na mashi da'amqajnataxan. Qaq nachida da huo'o mshi huo'o na n'aqchit naq'en da lpi'iÿaxac.

Nuevo Testamento Toba Sombrero Negro

¹⁸ qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic.

La'aqtaqa Ñim Lo'onatac 'Enauacna 2013

¹⁸ Soomaye ilamaqraue'c, quera'ai da 'eesa lataxac, 'eetrega da na mashe ỹa'amaqten So Qarataxala', nache sa nauane' da qaltaq ileu. Qaq nachera da huo'omshe huo'o na isomapec na 'amqaanataxanaxaicpi.

2 Timoteo 2:18 Referans Kwoze

1 Corintios 15:12

Qalaxayi da qomi' sa'axataqtapeguec so Cristo da mashi sogote da Dios nca'aleeguesop naq'en da nleuaxa, qaq ¿tá'ainco' yi huo'o da qoñiita na 'eetega da sa ishit da nca'aleec qanqoÿin na leuaxaicpi?

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Hebreos 3:10

Qaq ÿoqo'oyi aÿim salemataÿa se'eso shiÿaxauapi. Nachi shiita': “Namayipi ÿataqta nachi 'eetai'naxa da isomtac da lquiyaqteÿaxac, qataq sa ishit da ÿaÿaten ca llic na ñaqa'aiquiaxac.”

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Santiago 5:19

Qami' ÿaqaÿadolqa, da huo'o ca 'oonolec da qoñiita ilamaqhuec, ca'ai da 'eesa lataxac, qaq da huo'o ca ñi'iguelaxateu'a da 'eesa lataxac,

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

1 Timoteo 6:21

Cha'ayi na queueegue de'eda qoÿiitega naÿajnec, nachi ÿashaxaneec da ca'ai naq'en da npi'iÿaxac. Qaq ñi Dios 'am ÿami' qome ca no'on 'iquiaxac. Aja', nachi 'eetec de'eda.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Hechos 5:39

Qalaxayi damayi da huo'otaq nachiñi ñi Dios da chigoqo'ot, nachi qami' sa ishit da qanlaxachiiñi. Ÿoqo'oyi qadvichiÿalec qome damayi. Ten, qom 'eeta'am da qanpa'aguiñiitague' ñi Dios.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Mateo 22:29

Nachi so Jesús 'enapeco': –Qami' qauesomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

Mateo 15:13

Qalaxayi so Jesús 'enapeco': –Camachaqaca qo'ipaq mayi sa ishit co'ollaxa da ÿaañi ñi ita'a mayi neta'ague da piguem, nachi acamayi qanapoguishiguem qome.

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.