2 Timoteo 2:10 - Nuevo Testamento Toba Sur

¹⁰ Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Nuevo Testamento Toba Sombrero Negro

¹⁰ qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

La'aqtaqa Ñim Lo'onatac 'Enauacna 2013

¹⁰ Ỹoqo'oye ña'añaxateguet na ỹotta'a't ñeque'eenaxacpi, yaqto' na lca'aguishecpi Ñim Lo'onatac 'Enauacna nca'alec, qataq ỹaconeguet da achaalataxac maye chochaq tatec, maye ỹachaxanapec So Cristo qataq Ñim Lo'onatac 'Enauacna.

2 Timoteo 2:10 Referans Kwoze

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

2 Timoteo 2:3

Qaq 'am ÿataqta 'an'añaxategueto' 'enauac na que'ejnaxaguesat, 'au'enaxatchiguio' ca laxadaic ale da 'am nale so Jesucristo.

2 Corintios 1:6

Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

1 Pedro 2:10

Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

Romanos 9:23

Cha'ayi ñimayi i'ot de'eda, cha'ayi nshitaique da qomi' ÿauattonaxanaxanque da lta'adaic lli'oxoyic, qomi' mayi qomi' nqouagueque, qataq qomi' ÿaqataxanai'salo co'ollaxa da nshitaique da ñiuanaqhua'a da lli'oxoyic ñimayi.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Juan 17:9

Qaq aÿim 'am ñachoxonnot souaxat namayipi. Qaq sa ishit da ñachoxodeetapeguelec nam huetalec ana 'alhua, chaqnata nam aÿim 'ai'anempi, cha'ayi 'adalamaxatpi.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 24:22

Qaq ñi Dios da huo'otaq ividaxattreec que'ecaua na'axa'te, nachi sa ishit qome da huo'o ca nca'aleec. Qalaxayi ñimayi sa ishit da ividaxattreec, souaxat da lauochi nam lca'aguishicpi.

2 Ts 2:14

Qaq nachida da huo'o mshi qami' iÿaxanalo ñi Dios, nshitaique da qauacoñiiguet da nca'alaxa mayi chigaqaigui da n'aqtac dam sa'axataqtac. Nataq'en nshitaique da qanhuañiÿau'a da lli'oxoyic so qadataxala' Jesucristo.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

2 Timoteo 2:1

Qaq 'am ÿalec, 'auacongueto' qome da 'ad'añaxac mayi chigaqaigui da nqouagaxanaqtaic dam qomi' qoÿanema, cha'ayi ñi'adaqtau'a so Cristo Jesús.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Lucas 22:57

Qalaxayi so Pedro nqolguet, nachi 'eeta': –Aque', aÿim sa sauatton damayi.