2 Timoteo 1:8 - Nuevo Testamento Toba Sur

⁸ Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Nuevo Testamento Toba Sombrero Negro

⁸ Chane'eja ena'te anepocoĝolegue da'me dojo', da'me a'uaĝate'tape jogaa'me chiyaqayilo joñe'me Qadejaliaĝanec, nataq'aen ena'te jayem anepocoĝolegue, da'me jayem necoñetaejec, jayem qoyajouaĝatec joñe'me Qadejaliaĝanec. Qama'le qomle male am qoyanem ga'me adachoĝodec, am qoyajouaĝatec da'me 'noota; Dios am nelochi'ña jo' qomle, ya'uo at'añaĝac.

La'aqtaqa Ñim Lo'onatac 'Enauacna 2013

⁸ Ỹoqo'oye saisheto' da 'ancoxolec da 'aua'axatec So Qarataxala' Jesús. Nataqa'en saisheto' da huo'o da 'arcoxo, souaxat da aỹem qaicoñettai', sasoilec Somaye. Nachaqrato' da 'anhuanaua'a de'era que'eenaxac souaxat da no'on na'axaỹaxac maye chegaqaigui da nca'alaxa, qaq Ñim Lo'onatac 'Enauacna 'am itaunec qome da 'ara'añaxac da yaqto' 'anala'aguet 'enauac ne'ena 'anque'eenaxacpi.

2 Timoteo 1:8 Referans Kwoze

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

2 Timoteo 2:3

Qaq 'am ÿataqta 'an'añaxategueto' 'enauac na que'ejnaxaguesat, 'au'enaxatchiguio' ca laxadaic ale da 'am nale so Jesucristo.

1 Ts 3:4

Cha'ayi co'ollaq ñaq qami' souaqta'agueta, qalaq qami' sa'axataqtapeguema da saxaigui 'enauac na que'ejnaxaguesat. Qaq ipacchigui da sovidaxaguet. Qaq de'eda mashi qauaÿajñiita.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Romanos 9:33

som i'axat naua ñiyigui'shi l'aqtaqa ñi Dios, mayi 'eeta': Aÿim sanangui qome na laiñi yi Sión cam 'en'am ca coma' mayi ishit da qaiqui'aqaisop, cam coma' mayi ishit da 'ico' nsalviaxala', qaq cam i'amaqten camayi, qaq sa ishit da n'aloxootac.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

1 Corintios 1:6

Qaq ÿoqo'oyi da n'aqtaguec so Cristo yi'oqta da mashi qami' nañaxatoiguilo.

Juan 19:35

Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

2 Corintios 6:7

qataq dam qad'aqtaxanaxac mayi 'eesa, qataq dam l'añaxac ñi Dios mayi qomi' hueta'agueta. Qataq so'ogoxonaxa da n'ogoxonaxat mayi chigaqaigui da qui'itta achaalataxac, da ivita da qomi' qaicogaxana'pe, huo'otaq da huo'o ca ñicotaqpegue'.

Romanos 8:36

Qaq ipacchigui da 'enapec naua ñiyigui'shi n'aqtaqa, 'eeta': 'Am sasouaxalec da imauec yi na'a'q da qomi' qaÿauecta'alo da qadeleuaxa; qomi' qoÿiita'ama qanqoÿin aca qaguetapi da qaÿauecta'a ca nalaataqa'.

Juan 15:27

Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

1 Timoteo 2:6

Somayi nañanguet da qaÿalauat, qaq de'eda nalaataguec naigui da ishiiten aso lashiue da lca'alaxa na 'enauac shiÿaxauapi. Qaq de'eda co'ollaq ivita so laloqo', nachi jec da qai'axateec.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

2 Timoteo 1:10

Qaq de'eda lsoxoyic ñi Dios ÿachaxan nagui, qalaxayi nactaigui naq'en da lliquiaxac so qadca'alaxaqui Jesucristo mayi deuotaxanec co'olloxochiyi da l'añaxac da nleuaxa, qataq damaxasoxoolec da qai'axat da n'aqtac mayi chigaqaigui da nca'alaxa. Qaq nachida da yi'oq naq'en da nca'alaxa mayi sa ishit da qanlaxajñi.

2 Timoteo 2:8

Sa ishito' qome da 'aucoua'ai so Jesucristo mayi chigoxoguet so nta'a David. Somayi Dios nca'aleec naq'en. Qaq 'eda da n'aqtac mayi chigaqaigui da nca'alaxa mayi sa'axattapeguec.