2 Timoteo 1:7 - Nuevo Testamento Toba Sur

⁷ Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

Nuevo Testamento Toba Sombrero Negro

⁷ Qa'a ñe'me Dios Lepaqal ja e'n 'te qo'mi qolanaqayaqa, mac da'me e'n qo'mi ñoqotaĝanaĝayaqa, nataq'aen e'n ñoqopitaĝan chayovida'a da'me onaĝaic qat'onataĝanaĝac.

La'aqtaqa Ñim Lo'onatac 'Enauacna 2013

⁷ Cha'aye So Saqcha'a La'añaxac Ñim Lo'onatac 'Enauacna saishet da qomi' colanqaiqa naqa'en. Nachaqrata da qomi' ỹanema da qara'añaxac da sauotaxac 'enauac na laỹepi shiỹaxauapi, qataq qomi' ỹa'añaqche't da yaqto' seshetaq da souaqtaigui da no'on achaalataxac maye chegoqo'ot So Cristo.

2 Timoteo 1:7 Referans Kwoze

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

1 Juan 4:18

Qaq cam hueta'ague de'eda nauotaxanaqtaic, nachi sa ishit da huo'o ca ncolanaxa. Cha'ayi de'eda nauotaxanaqtaic mayi nalochiguiñi, damayi i'odauec ca ncolanaxa. Cha'ayi de'eda ncolanaxa, damayi ilota'aguet da nhuaxanaguec. Qaq ÿoqo'oyi ca huo'o da lcolanaxa, qachi camayi sa ishit da ÿataqta dauotaxanaqta.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Lucas 10:19

Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Romanos 5:5

Qaq de'eda qanaquitaxac i'ot da sa ishit da ñi'aloxonaqtac. Cha'ayi da lsoxoyic ñi Dios sogote da qaicoyinguita naua qadquiyaqte, chigoqchigui naq'en so n'Espíritu Santo mayi qomi' ÿanema.

Hebreos 2:15

Qaq 'eda da 'eetec da huesouec naq'en 'enauac nam 'ico' l-latacpi da lcolanaxa da nleuaxa nagui da ña nca'altauec.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

1 Corintios 2:4

Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Colosenses 1:8

Qaq somayi qomi' nda'alo da qad'axaÿaxac da qoñiita qataq dam qadsoxoyiqui mayi qami' ÿanema so Espíritu.

Hechos 6:8

Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi.

Hechos 9:22

Qalaxayi so Saulo lamaaxa nquigaxatteec da l'añaxac da ÿachaxaatac so Jesús da nachiso so nta'a mayi qadca'alaxaqui, chochi ivitta'a da ÿataqta sa ÿaÿaten ca 'eetec naq'en na judiopi mayi netaña yi Damasco.

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Hechos 26:25

Qalaxayi so Pablo 'enapeco': –Sa ishit da huo'o ca aÿoic, 'am ita'a Festo; cha'ayi aÿim dam sa'axattac ÿataqta lataxac, qataq ÿataqta 'eesa.

Lucas 15:17

Huaña, nachi deuennataxaatac, 'eeta': “¡Ÿataqta 'enauac na l'onataxanaxanecpi ca ita'a chochaq huañi na aloq yi lma', qaq aÿim na soota'a ÿataqta aÿim ÿalauat na ÿoqouaxa!

Hechos 26:11

Qataq ÿataqta qalota da seuaxaatac namayipi da sauotaique da yaqto' ÿaxaañi da lpi'iÿaxac. Qaq 'eda da so'otec 'enauac anam laponaxaquipi nam judiopi. Cha'ayi aÿim ÿataqta qalota da iquiÿaxa namayipi, ÿoqo'oyi aÿim ivida'a da secanaxangui nam hueta'alo naua ÿaqa'alo la ciudad.