2 Timoteo 1:6 - Nuevo Testamento Toba Sur

⁶ Ÿoqo'oyi nagui 'am saqata da 'au'edaxatoigui ñi 'anshitaxat mayi 'am ÿami' ñi Dios se'eso na'a'q co'ollaq 'am sashil-lec.

Nuevo Testamento Toba Sombrero Negro

⁶ Chane'eja yitaĝa am ja'aĝatem qaedi ena'te aĝañi da'me auen t'onataĝan na'me jo'ne Dios am yanem ca'li youa' am jecodelegue.

La'aqtaqa Ñim Lo'onatac 'Enauacna 2013

⁶ Ỹoqo'oye nagui 'am seqata da 'aue'eraxatoigui ñi 'anachetaxat maye 'am ỹami' co'ollaxa Ñim Lo'onatac 'Enauacna se'eso na'a'q co'ollaq 'am sasheltalec da 'am ñeqouagaxaueeteguelec.

2 Timoteo 1:6 Referans Kwoze

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

1 Ts 5:19

Sa ishit da qaualamachi da l'onataxanaxac so Espíritu Santo.

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

2 Pedro 1:12

Qaq ÿoqo'oyi aÿim shicto'ot da qami' seuennataxanaxaatapegueque de'eda, nai'ctaxa da qami' mashi qauaÿajñi damayi, qataq ÿataqta sa ishit da qoquiÿa'ai de'eda 'eesa lataxac mayi qami' hueto'oto nagui.

Hechos 19:6

Nachi so Pablo co'ollaq ÿashiltalec somayipi, nachi so Espíritu Santo anac da tanguit somayipi. Huaña, nachi detaxaiguilo naua n'aqtaqa mayi sa qaÿauanapegalo, qataq i'axatta'pe naua l'aqtaqa ñi Dios.

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

Lucas 19:13

Qaq co'ollaq yaqta'a da jec, nachi iÿaxanalo soua diez l-lataqa. Nachi ÿami' ñi 'oonolec soomayi añi 'oonole soua diez lca'chole, qaq añi 'oonole soomayi ÿataqta qaÿoqtegue añi naigui. Nachi 'enapegalo', 'eeta': “Qau'onataxañiÿa qome ana'ana aÿom, qanmiñiitac, ÿataqto' qom ivita da ñi'iguelaq.”

Judas 1:5

Qaq nai'ctaxa da qami' mashi sogote da qauaÿajñi de'eda, qalaxayi nachi 'en'am ñishitaique da qami' seuennataxanaxanque da 'eetec ñi qadataxala' Dios da nai'ctaxa da nqateeguesop co'ollaxa yi Egipto so llalaqpi so Israel, qalaxayi co'ollaq qaÿata'ague, nachi ileu naq'en som sa ishit da da'amqajnaxatan somayipi.

Hebreos 6:2

qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

Hechos 6:6

Qaq co'ollaq ime, nachi soomayi qanauegueu'alo so Jesús lamaxa'shi, nachi qanqouagaxaueelguete qataq qaÿashiltalguete soomayi.