2 Timoteo 1:5 - Nuevo Testamento Toba Sur

⁵ Qataq naxa da tachigui iuel dam 'adpi'iÿaxac mayi huosota. De'eda huosota npi'iÿaxac mayi hua'auteguet aso 'adcote Loida qataq aso 'adate'e Eunice. Qaq nagui saÿateeta da nataq'en 'am hueto'ot de'eda npi'iÿaxac.

Nuevo Testamento Toba Sombrero Negro

⁵ Nataq'aen ja japalaĝate'ta da'me adepe'e ladic, jo'ne 'uaeñe yacoteguet jenjo' jaga'me adecomena' Loida, nach'e ena'am jaga'me adat'e Eunice. Qama'le yataqata jepetapega nach'e ena'am oquegue jena'me jenjo' nayi.

La'aqtaqa Ñim Lo'onatac 'Enauacna 2013

⁵ Qataq naxa da tachigui iuel dam 'arpi'iỹaxac maye huesota. De'era huesota npi'iỹaxac maye hua'auteguet aso 'arcote Loida qataq aso 'arate'e Eunice. Qaq nagui saỹateeta da nataqa'en 'am hueto'ot de'era npi'iỹaxac.

2 Timoteo 1:5 Referans Kwoze

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

2 Timoteo 3:15

cha'ayi nal'ena da 'ananacta'ai' da 'auauatton naua ñiyigui'shi l'aqtaqa ñi Dios mayi ishit da 'am ÿajnaxanaxaic naq'en, qataq ishit da 'am ÿaueca'aguet da nca'alaxa mayi chigaqaigui da qaipi'iÿa'a so Cristo Jesús.

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Hebreos 6:9

Qami' ÿaqaÿadolqa, qomi' nai'ctaxa da huo'otaq 'eetec de'eda da qadtaxaÿaxac, qalaxayi qomi' saÿajnaqta da qoñiita dam lta'adaic qanchoxonnataguiiqui mayi chigaqaigui da nca'alaxa.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Corintios 6:6

Nataq'en ichoxot da qomi' l-lataqa ñi Dios da no'on qadataxac, qataq da qadauattonaxanaxac mayi 'eesa, qataq da qadhualaxavic, qataq da qadauotaxanaqtaic, qataq da nachi 'eetai' da qomi' hueta'agueta so Espíritu Santo, qataq dam 'eesa qadsoxoyic,

Romanos 8:38

Qaq ÿoqo'oyi ÿataqta 'eesa ñaq'en da sa ishit da huo'o ca ishit da nqanaxat da lauotaxanaqtaic ñi Dios da shinaqta. Nai'ctaxa da huo'otaq nleuaxa, huo'otaq da achaalataxac, huo'otaq nam namaxashicpi piguem l'ecpi qataq nam damaxasoxonapecpi qataq nam n'añaxacpi mayi saq cha'a, huo'otaq nam souaqtaigui nagui qataq cam ñaq natauo,

Romanos 4:21

cha'ayi ÿataqta ÿaÿateeta da ñimayi huo'o da l'añaxac da ishit da ipacchigui 'enauac cam ÿachaxanapec.

Hebreos 11:13

Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Romanos 14:14

Cha'ayi aÿim saÿaten da sa ishit da huo'o ca chochi natchiguem da dauogaxanaqta. Qaq de'eda shiitega ÿataqta 'eesa, cha'ayi sa'amaqteetac so qadataxala' Jesús. Qalaxayi da huo'o ca 'oonolec da qoñiita ipi'ittega da ishit da sa qaishitapec ca nallic, qaq camayi mayi maichi pa'aÿo'ot da sa qaishitapec naq'en.

Romanos 14:5

Qataq da lÿa saloqnaxana 'eeta': Huo'o na ÿapagaqchiitac ca 'oonolec na'a'q da 'eetega saq 'en'am ca lÿa na'a'q. Qataq huo'o na 'eetega da 'en'a't naua na'axa'te. Qaq ñi 'oonolec maichi ÿataqta 'eesa naq'en da lhuennataxa.

Hechos 26:26

Qaq 'iñi ñi nta'a Agripa qomi' ÿalectaiguilo, ñimayi ÿataqta ÿaÿateeta de'eda. Qaq ÿoqo'oyi aÿim sa ishit da ñiteltapiguiñi da aÿim hua'aqtega ñimayi da sa'aqtaxaatac, cha'ayi saÿaten da ñimayi nataq'en ÿaÿateeta 'enauac de'eda. Cha'ayi damayi sa ishit da huo'otaq ÿapogoñi ca lataxac; damayi ÿataqta ÿaateec.

Juan 1:47

Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.