2 Timoteo 1:18 - Nuevo Testamento Toba Sur

¹⁸ Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

Nuevo Testamento Toba Sombrero Negro

¹⁸ 'Noota qom Qadet'a yataqata yanem da'me lichoĝodenataĝanaĝac gaa'me noloqo'ote jo'ne p'atedegue. Qalaĝaja jenjo' joote yataqata auayaten, qa'a joote qo'mi lecochiyalo ca'li jouaqa'ta di'me Éfeso.

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye huo'o da ñaquitaxac da So Qarataxala' Jesús da ỹaalec da lauotaxanaqtaic que'eca na'a'q qom Ñim Lo'onatac 'Enauacna nmit 'enauac na shiỹaxauapi. 'Am ỹataqta 'auaỹateeta da so Onesíforo ỹataqta lta'araic da ltaunaxanaxac co'ollaq souaqta'a ye Éfeso.

2 Timoteo 1:18 Referans Kwoze

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

1 Timoteo 1:3

Ñishitaique da 'am ñaq qonetaña yi la ciudad Éfeso, 'eeta'am so lÿa na'a'q co'ollaq aÿim sata'ague da 'alhua Macedonia, cha'ayi huo'o na dapaxaguenataxaatapeguec na sa lataxac. Ÿoqo'oyi ñishitaique da qonapega namayipi da sa ishit da quetalec da dapaxaguenataxaatapeguec de'eda,

Apocalipsis 2:1

'Auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Éfeso. Qoneta': “'Eeta' da l'aqtac na huetaiguilo na lhuaq ana siete huaqajñi, qataq huetangui na laiñi ana siete ncoÿadaxanaxaquipi mayi chigaqaigui na oro, 'eeta':

1 Pedro 1:10

Som hua'a'u vi'iyi so l'aqtaxanaxanecpi ñi Dios co'ollaxa ÿataqta nmittac qataq ichimaxattega ca llic de'eda nca'alaxa, qataq somayipi i'axattac da lqouagaxanaqtaic ñi Dios mayi nshitaique da qami' ÿanema.

2 Timoteo 4:12

Qaq so Tíquico samaxague da la ciudad Éfeso.

1 Ts 2:19

Cha'ayi ¿negue'to' ca i'ot da qanaquitaxac, qataq da qantonaxac? qataq ¿negue'to' ca i'ot da qadamaiquiaxac da ñitonaqtapeguec? Taxaaso' nachida da qoñiita que'eca na'a'q qom ñi'iguelaq so qadataxala' Jesucristo.

Efesios 2:4

Qalaxayi ñi Dios ÿataqta lta'adaic da lchoxonnataxanaxa da qomi' ÿataqta ÿauoteque,

2 Corintios 9:1

Qaq de'eda lataxac da qai'ot aca ntaunaxanaqte da yaqto' qaitauan ca qad'amqajnataxanaxaua, qalaq damayi sa ishit da iuen da shiyiñi.

1 Corintios 16:8

Qalaxayi sauotaique da sonaña qome yi Éfeso, sovidaxattauga ca na'a'q Pentecostés,

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Lucas 8:3

nataq'en aso Juana asom lhua so l'enaxat Cuza, som ilotague' ca lma' so Herodes. Qataq ÿalectauo aso Susana, nataq'en qalota so laÿipi 'alpi mayi detaunaxaatacot nam huo'o lalamaxatpi.

Lucas 1:78

Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

Lucas 1:72

nataq'en da ÿataqta huo'o da lchoxonnataxanaxa som hua'au qadta'alpi, qataq da sa ishit da icoua'ai dam naÿamaxataxac mayi ÿanem somayipi.

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

2 Timoteo 1:17

Chaqdata da aÿim nmittaique, chochi ivitta'a da aÿim ÿanata co'ollaq hueta'a na Roma.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.