2 Timoteo 1:15 - Nuevo Testamento Toba Sur

¹⁵ Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

Nuevo Testamento Toba Sombrero Negro

¹⁵ Joote auayaten da'me qadaqaya' jo'ne neteda'ña na'me Asia jayem queda'e, nataq'aen jaa'me Figelo chayovida'a Hermógenes.

La'aqtaqa Ñim Lo'onatac 'Enauacna 2013

¹⁵ Qaq 'am mashe 'auaỹateeta da na 'amqaanataxanaxaicpi maye hueta'a ye Asia aỹem ỹalat. ¡Ivira'alo soua Figelo qataq so Hermógenes aỹem no'onaxatchiguilo!

2 Timoteo 1:15 Referans Kwoze

2 Timoteo 4:16

Se'eso na'a'q co'ollaq chita'ague da so'ot so hua'auchiguiñi itaxaÿaxac da setaxaÿapegue' na nta'alpi, qalaq 'enauac da aÿim qaÿalata'a't, qaica ca aÿim nachaateu'a da aÿim detaqlec. Qalaxayi 'onaxaic da ñi Dios sa ishit da ilogui qome de'eda.

Filipenses 2:21

Cha'ayi 'enauac nam laÿipi chochi huo'o cam naquittaique, qaq sa ishit da i'ot cam 'eetapeguec so Cristo Jesús.

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

1 Corintios 16:19

Na 'amqajnataxanaxaicpi mayi netalec ne'ena 'alhua Asia, qami' ÿamaxalo da lquinaxanaxac. Ñi Áquila qataq añi lhua Priscila qataq na 'amqajnataxanaxaicpi mayi l'onaxanqa' yi lma', naamayi ÿataqta saqalota da lquinaxanaxac qami' ÿamaxalo, cha'ayi qami' l'amqajnataxanaxa'u.

Hechos 19:27

Qaq damayi ÿataqta huo'o da lchic, cha'ayi de'eda qad'onataxanaxac ishit da nlaguiñi. Nataq'en ñi lauo' añi ñatamnaqtacot qadate'e Artemisa, ñimayi ishit da daqat da lli'oxoyic. Huaña, nachi sa ishit da huo'o ca 'enec qanqoÿin dam l'amaqchic añim qadate'e mayi natameetacot na netaña na Asia qataq 'enauac nam neta'alo naua lÿa't 'ale'u.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Hechos 20:16

Qaq 'eda da 'eetec da qoyiquiaxac, cha'ayi so Pablo nachi lhuennataxac co'ollaxa da sa ishit da ÿoqta hua'a yi Asia, nachi sa ishit da ipagueu'a yi Éfeso. Cha'ayi somayi nshitaique da saqaÿaloq da ividegue da Jerusalén, da yaqto' hueta'a yimayi ca na'a'q Pentecostés, da huo'otaq ishit da ÿañoxot.

Hechos 19:31

Nataq'en huo'o na nta'alpi mayi lma' yi Asia nam nauattonaxauapi somayi na namaxa da l'aqtac somayi, da yaqto' sa ishit da pa'auo.

Hechos 2:9

Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia,