2 Timoteo 1:14 - Nuevo Testamento Toba Sur

¹⁴ 'Antelo'o' da 'am ipataxalec ñi Dios da 'aulo'ogue, qaq 'am itauan so Espíritu Santo mayi qomi' hueta'agueta.

Nuevo Testamento Toba Sombrero Negro

¹⁴ Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.

La'aqtaqa Ñim Lo'onatac 'Enauacna 2013

¹⁴ 'Antelo'o' da no'onataxanaxac maye 'am ipataxalec Ñim Lo'onatac 'Enauacna, qaq So Saqcha'a Na'añaxac Qui'itta maye qomi' hueta'agueta 'am itauan qome.

2 Timoteo 1:14 Referans Kwoze

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

1 Timoteo 6:20

'Am Timoteo, ÿataqta 'antelo'o' qome da 'am qaipataxalec n'onataxanaxac. Sa ishito' da 'auqocha'a na ntaxaÿaxacpi lma'na mayi qaica ca naigui, qataq da npa'aguenataxanaxac mayi chigaqaigui da qoÿiitega naÿajnec, qalaxayi saqda.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

1 Corintios 3:16

¿Qami' sa qauaÿajñiÿo' da qoñiÿa'am da qami' lauo' ñi Dios, qaq so Espíritu Santo mayi chigoqo'ot ñimayi qami' netaiguilo?

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Ts 5:19

Sa ishit da qaualamachi da l'onataxanaxac so Espíritu Santo.

2 Timoteo 2:2

Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

Efesios 5:18

Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Efesios 2:22

Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

1 Corintios 9:17

Qaq ÿoqo'oyi da aÿim maichi ñalligoxottela't da iuennataxac da so'ot damayi, qaq ishíttaxa da huo'o ca ñishiitenaguec. Qalaxayi da ÿoqta aÿim qaÿamaxalec da so'ot damayi, qaq 'eesa da ÿoqta aÿim ipataxalec de'eda ñi Dios.

Colosenses 4:11

Nataq'en qami' ÿamaxalo da lquinaxanaxac ñi Jesús, da l'enaxat lÿa Justo. Nam 'amqajnataxanaxaicpi judío l'ecpi, nachaqnauate' naamayi da aÿim itauaata'pe sa'axataqtac da ilo'ogue 'enauacna ñi Dios qataq da aÿim i'añaqchitta'pe.

Gálatas 2:7

Qaq aÿim taxaaso' da namayipi qaltaq aÿim ÿanem cam lapaxaguenataxanaxac, lamaxasai' chaqdata da namayipi ila'a da nachiñi ñi Dios ñi aÿim ipataxalec da sa'axatem na saq judiopi da nca'alaxa, 'eeta'am da 'eetec so Pedro da qaipataxalec da da'aqtaxanem na judiopi.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

1 Corintios 6:19

¿Qami' sa qauaÿajñiÿo' da qad'oquiaxaqui da 'eeta'am da lauo' so Espíritu Santo mayi qami' ÿanema ñi Dios, qaq somayi qami' netaiguilo? Qaq ÿoqo'oyi qami' sa ishit da qadalamaxachi da qad'oquiaxaqui,

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Romanos 3:2

Qomyi qalota, qataq qalota na lataxaguesat da namayipi napacalec ca lÿa. Cha'ayi da hua'auchiguiñi 'eeta': Ñi Dios ipataxalec co'ollaxa na judiopi da l'aqtac.

Lucas 16:11

Qaq ÿoqo'oyi de'eda lsallaxa nam shiÿaxauapi mayi i'otta'pe naua qauema, da huo'otaq sa ishit da no'on da qan'aqtaguiiqui da qauloÿigue, qaq ¿négue'to' ca ishit da qami' pi'iÿa'alo da qami' ipataxalguete cam nsallaxa mayi saq cha'a?