2 Timoteo 1:12 - Nuevo Testamento Toba Sur

¹² Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Nuevo Testamento Toba Sombrero Negro

¹² Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

La'aqtaqa Ñim Lo'onatac 'Enauacna 2013

¹² Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

2 Timoteo 1:12 Referans Kwoze

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

1 Pedro 4:19

Qaq ÿoqo'oyi ca maichi chigoqchigui ñi Dios da huo'o naq'en da nque'ejnaxac, qaq no'on da camayi quetot da i'ottac ca ÿaÿamaqchiguiñi. Chaqdata da ipa'axano'ot naq'en ñi Dios da nachaalataxac mayi maichi l'onatac, cha'ayi ñimayi ÿataqta ipacchigui ca 'enapec.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

1 Timoteo 6:20

'Am Timoteo, ÿataqta 'antelo'o' qome da 'am qaipataxalec n'onataxanaxac. Sa ishito' da 'auqocha'a na ntaxaÿaxacpi lma'na mayi qaica ca naigui, qataq da npa'aguenataxanaxac mayi chigaqaigui da qoÿiitega naÿajnec, qalaxayi saqda.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Mateo 24:36

Qalaxayi que'eca na'a'q qataq ca laloqo' de'eda, qalaq qaica ca ishit da ÿaÿaten, ivida'a na namaxashic piguem l'ecpi sa ÿaÿaten qataq na llalec ñi Dios. Chaqñita ñi ita'a mayi ÿaÿaten.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

2 Timoteo 1:18

Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

Filipenses 3:21

Qaq somayi nadalaxat qome da qad'oquiaxac mayi taÿa'a da ileu, da yaqto' 'eeta'am naq'en dam l'oquiaxac mayi ÿi'oxodaic. Qaq nachida qome de'eda l'añaxac da ilo'ogue 'enauacna da do'onataxana.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Mateo 12:21

Nachi 'enauac nam ÿotta'a't shiÿaxauapi ÿataqta huo'o da lpe'e somayi.

Romanos 9:33

som i'axat naua ñiyigui'shi l'aqtaqa ñi Dios, mayi 'eeta': Aÿim sanangui qome na laiñi yi Sión cam 'en'am ca coma' mayi ishit da qaiqui'aqaisop, cam coma' mayi ishit da 'ico' nsalviaxala', qaq cam i'amaqten camayi, qaq sa ishit da n'aloxootac.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 2:18

Qaq ÿoqo'oyi nagui somayi ishit da itauan cam huo'o da ñi'iguenataguec, cha'ayi somayi nataq'en huo'o co'ollaxa da nque'ejnaxac qataq ñi'iguenataguec.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Hechos 7:59

Qaq co'ollaq ña qaÿasaqtalec so Esteban, nachi somayi nqouagaxaueetac, 'eeta': –'Am ÿataxala' Jesús, 'auaconguet qome ñi shicapegue' iqui'i.

Juan 6:44

Qaica ca ishit da chochi aÿim nau'a da huo'otaq sa nauegueuo ñi ita'a mayi aÿim namaq; nachi camayi ishit da qaltaq ñica'alaxateec ca pa'ateec na'a'q.

Lucas 23:46

Nachi so Jesús i'alaq, 'eeta': –'Am ita'a, 'am sepataxalec nagui da maichi 'aulo'ogue na iqui'i. Qaq co'ollaq mashi nasaxauec de'eda l'aqtac, nachi ileu.

1 Ts 5:4

Qalaxayi qami' qadqaÿa't, sa ishit da qoviitaigui ca 'ico' napalaxa, yaqto' que'eca na'a'q, lvidaxaqui so qadataxala', sa ishit da qami' ique'elaxa't, 'eeta'am cam cachaxaic.

Lucas 10:12

Qaq qami' sa'axatema da que'eca pa'ateec na'a'q, da nhuaxanaguec que'eca pueblo ÿataqta napacalec da nhuaxanaguec so shiÿaxauapi mayi lma' so la ciudad Sodoma.

Mateo 7:22

Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

2 Timoteo 1:14

'Antelo'o' da 'am ipataxalec ñi Dios da 'aulo'ogue, qaq 'am itauan so Espíritu Santo mayi qomi' hueta'agueta.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.