2 Pedro 3:9 - Nuevo Testamento Toba Sur

⁹ Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

Nuevo Testamento Toba Sombrero Negro

⁹ Uo'oe gaa'me jo'ne eetedapega ja eja da'me 'niyelaĝaquena ñe'me Qadejaliaĝanec, qalaĝaja ja naq'aeta, dite da'me cha'li uayaloĝoden da'me en yepaquichigui da'me jo'ne joote 'yaĝatetac, qa'a yajouaĝat da'me ami neualaĝae'to, queda'me ja 'yamaqaten ta'le 'uo ga'me yeleu, dite da'me yeuate'ta ena'uac da'me 'niyeloqot joñe'me.

La'aqtaqa Ñim Lo'onatac 'Enauacna 2013

⁹ Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

2 Pedro 3:9 Referans Kwoze

1 Timoteo 2:4

Cha'ayi ñimayi nshitaique da 'enauac qanca'alaxateec na shiÿaxauapi, qataq ividaxatta'a da ÿaÿateeta da lataxac mayi ÿataqta 'eesa.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Apocalipsis 2:21

Qaq aÿim mashi sami' da ldaqa' añimayi, da yaqto' ÿaxaadeec naua n'onataxaco. Qalaxayi sa ishit da ÿaxaadeec, qataq sa ishit da ÿaxaañi da nquishishaxac.

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.

1 Timoteo 1:16

Qalaxayi ñaqaiyita ñi Dios aÿim ichoxoden, cha'ayi ñimayi nshitaique da aÿim l'auaxanec da do'onataxana naq'en so Jesucristo da ÿachaxana na shiÿaxauapi da lhualaxavic lta'adaic. Cha'ayi ÿauotaique da aÿim naloqnaxanaxat, yaqto' ca shiÿaxaua ishit da i'amaqten so Jesús, qaq ÿaconguet da nca'alaxa mayi chochi tateec.

Hebreos 10:37

Cha'ayi naua ñiyigui'shi l'aqtaqa ñi Dios 'eeta': Ÿataqta saqaÿaloq da anac qome cam naÿa'cna, qataq sa naÿaloxon da anac.

Romanos 9:22

Qaq ÿoqo'oyi ¿huá'ague ca qoÿiitec ca n'aqtac, da huo'otaq ñi Dios nshitaique da ÿachaxan da 'eetec da huo'o ca ÿauo'o ca nhuaxanaguec qataq da l'añaxac, nachi huo'o da lhualaxavic da n'añaxateguet nam 'itchiguiñi taÿa'a da qaÿauo'o ca nhuaxanaguec qataq tai'a da qanlaxajñi?

1 Pedro 3:20

Somayipi nachiso so sa ishit da ÿalaq som hua'a'u vi'iyi mayi huetaiguilo so Noé, co'ollaq ñi Dios huo'o da lhualaxavic da iuatta'a da qai'attega't aso notaxaqui, co'ollaq vichigui da 'oocholqa soua shiÿaxa'u mayi nca'aleeguesopa so 'etaxat.

Romanos 13:11

Qaq 'enauac de'eda shiitega da qami' iuen da qauloÿa'alo ne'enaua na'axa'te mayi souaqtaiguilo, qataq qauaÿajñi da mashi ivita yi laloqo' da ñiloxoueguesop na qad'ochaxa. Cha'ayi dam qadca'alaxa mashi ÿataqta sa qaÿapeque, saq 'en'am co'ollaq chita'ague da sa'amaqtenaq da n'aqtac.

Romanos 13:12

Nagui 'ico' mashi qaÿoqtegue so pe, qaq mashi sa qaÿapeque ca na'a'q. Qaq ÿoqo'oyi iuen da qomi' saxanaxauec nam qai'ottacpi mayi huaigui na napalaxa. Ime, qaq sanaxayiñi caua qad'ogoxonqa'te, shinaqta'am ca ale da quetaigui yi na'a'q.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.