2 Pedro 3:17 - Nuevo Testamento Toba Sur

¹⁷ Qaq ÿoqo'oyi qami' ÿaqaÿadolqa, nagui da mashi qauaÿajñiitac de'eda, qaq no'on da ÿataqta qanchilliila't, da yaqto' sa ishit da chochi qami' ÿauecta'pe da latenataxanaxac na shiÿaxauapi qauemaicpi, nachi ishit da qoquiÿa'ai da qad'amqajnataxanaxaqui.

Nuevo Testamento Toba Sombrero Negro

¹⁷ Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.

La'aqtaqa Ñim Lo'onatac 'Enauacna 2013

¹⁷ Qami' ñauochaxau' ỹaqaỹa't, de'era ỹa'aqtaxanaxac ỹa'axat da mashe sogote da qami' sevitaqteetagalo 'enauac de'era. Qaq ỹoqo'oye ỹataqta qanchilỹañi qome, yaqto' saishet da qami' ỹatenache't na shiỹaxauapi maye qauemaicpi, ime nache qami' qaỹa'axañiiuec da qaua'amaqchiñiitac Ñim Lo'onatac 'Enauacna.

2 Pedro 3:17 Referans Kwoze

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

1 Corintios 10:12

Qaq ÿoqo'oyi da huo'o ca ipi'itaxaatega da sa ishit da huañi, qaq no'on da ntelañi, da yaqto' sa ishit da huañi.

Mateo 7:15

Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

2 Timoteo 4:15

Maxatchaxa, 'advita'agueto' qome, cha'ayi somayi ÿataqta dataÿa'aguet da qad'aqtaxanaxac.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Mateo 16:11

Qataq ÿoqta da sa ishit peta'a da qauaÿajñiiguet da aÿim sa ishit da shiitega aca yi'oqchigui pan can shiitegalo qami' da maxatchaxa qome da qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Apocalipsis 2:5

Qaq ÿoqo'oyi 'auennate qome cam huaña da 'am 'auanajñi. Ime, qaq 'anadalaxat ca 'adataxac, nachi 'au'ot som hua'auchiguiñi co'ollaxa da 'au'ottac. Ten, qom saqaÿaloq da 'am ñoqo'ona, nachi seuotaxanec añi 'adcoÿadaxanaxaqui. Qalaxayi qom 'anadalaxat da 'adataxac, qaq sa ishit da seuotaxanec.

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

Colosenses 2:5

Cha'ayi aÿim, nai'ctaxa da sa ishit da yi'oqchigui da qami' salectaiguilo, qalaxayi da iqui'iÿaxac qami' ÿalecta'agueta. Qaq ÿataqta ñitootapeguec da no'on qadataxaqui, qataq da sa ishit da qai'axañiiuec da qadpi'iÿaxaqui so Cristo.

Filipenses 3:2

Qaq maxatchaxa, qadvichiÿa'aguet qome na 'eeta'am da lataxac na pioxotpi, qataq i'otta'pe naua qauema, qataq ipelectac na n'oc.

Juan 16:4

Qaq nagui qami' sa'axatema de'eda, yaqto' qom ivita ca laloqo', nachi qami' ishit da qauennachi da mashi sogote da qami' sa'axattapeguema damayi. Sa ishit da qami' sa'axatema de'eda co'ollaq chita'ague da so'onataxan, cha'ayi aÿim ñaq qami' soota'agueta.

Gálatas 5:4

Qaq qami' mayi qaupi'itaxañiitega da qami' ÿaÿamaxadeete' ñi Dios souaxat da qau'ochiitac nam nqataxacpi, nachi qami' ÿataqta qoquiÿa'ai so Cristo qataq da lsoxoyic ñi Dios.

2 Pedro 2:7

Qalaxayi nca'alaxateec co'ollaxa so Lot, cha'ayi somayi ÿataqta no'on da lataxac, qataq souaxat da ÿataqta qalota da nqui'ic co'ollaq imeteetac da qauem lataxac se'eso shiÿaxauapi mayi qauemaicpi.

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.