2 Pedro 3:16 - Nuevo Testamento Toba Sur

¹⁶ Qaq 'enauac ana ledepi somayi qami' i'axattapeguema de'eda, qalaxayi huo'oi naua huañalo da ÿataqta huo'o da lqalaic da qai'axateguelo naua llico. Qaq ÿoqo'oyi nam qaica ca ÿaÿajnapec qataq sa ishit da da'añi da lpi'iÿaxac nachi ishit da ÿaqa'a naq'en ca ÿanaigui. Huaña, nachi 'eeta'am naq'en da 'eetec nam laÿipi nanettañi l'aqtacpi ñi Dios da ÿashaxaneec, nachi ishit da maichi que'emaxam.

Nuevo Testamento Toba Sombrero Negro

¹⁶ Onole'tape jogaa'me jo'ne mach'e lediijel joñe'me, da'me joote 'yaĝate'tape da'me dojo', mate mane'e uo'oe jogaa'me 'laqataĝanaĝaco jo'ne 'uo da'me laqalaico ta'le qoyayate'n, qama'le jogaa'me qaya'te layatenaĝanaĝa'j nataq'aen da'me qaya'te 'lañaĝac da'me lepe'e', nach'egaua jo'ne yajaĝadiñe naa'me naajo' napaĝaguenataĝanaĝaco, qama'le nach'e ena'ama q'aen jogaa'me Dios 'laqataĝanaĝaco laqaya' da'me yajaĝadiñe, qama'le 'uo qomle da'me mach'e laviyaĝaje't.

La'aqtaqa Ñim Lo'onatac 'Enauacna 2013

¹⁶ Qaq 'enauac ana lerepi, somaye ỹa'axattac de'era, na'aictaxa da huo'o nam ỹa'axattacpi da saishet da saqalaq da qaỹaỹaten. Qaq ỹoqo'oye nam shiỹaxauapi maye qaica ca ỹaỹaanapec qataq nam saishet da ỹa'amaqten So Cristo, namayepi saishet da ỹaỹaten de'era. Qaq da nshetaique da ỹa'axategue ca naigui, nache sa ỹaỹamaxañi da la'aqtaxanaxac. Nache 'eetec nataqa'en da ỹa'axat nam nanettalec ana nere maye huetalec na la'aqtacpi Ñim Lo'onatac 'Enauacna. Qaq ỹoqo'oye Ñimaye ỹauo'o qome ca nhuaxanaguec namayepi.

2 Pedro 3:16 Referans Kwoze

Mateo 15:6

Qaq camachicague't shiÿaxaua, da huo'otaq l'aqtac de'eda, nachi sa ishit da itauan ca lta'a, huo'otaq aca late'e. Qaq de'eda qoñiitec da maichi qoquiigue da llic da qan'onataxaqui, damayi ichoxot da qami' ÿataqta qaica ca naigui qanqashiñi dam lamaxasoxonaxac ñi Dios.

Hebreos 5:11

Qaq qomi' ÿataqta qalota na qad'aqtaxanaxac da sa'axataq de'eda, qalaxayi huo'o da lqalaic da qai'axategue ca llic damayi, cha'ayi qami' sa ishit da qauaÿajñi.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

Santiago 1:8

Cha'ayi ca shiÿaxaua da saq ÿataxalguete naua lhuennataxaco, camayi ÿoqta sa ishit da quegue ca 'oonolec lataxac.

Filipenses 3:19

Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

1 Pedro 2:8

Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

Mateo 22:29

Nachi so Jesús 'enapeco': –Qami' qauesomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

Mateo 15:3

Qalaxayi so Jesús nataq'en inat somayipi, 'eeta': –Qami' nataq'en ¿tá'ainco' yi sa ishit da qaualaqaileguete naua lamaxasoxonaxaco ñi Dios, nda'a't da maichi qoquiitagueto naua qan'onataxacolli'?

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.