2 Pedro 3:15 - Nuevo Testamento Toba Sur

¹⁵ Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.

Nuevo Testamento Toba Sombrero Negro

¹⁵ Anetoviñetac da'me napogaĝadenaĝac ñe'me Qadejaliaĝanec, queda'me qo'mi yeuate'talo qaedi 'uo da'me mach'e qadec'alaĝac. Naqaeda jo'ne joote ami 'yaĝatema ñe'me jo'ne mach'e qadaqaya Pablo, da'me joote ami yamaĝalo gaa'me ledii's, da'me jo'ne chiyaqayi da'me layatenaĝanaĝac 'me Dios yanem ca'li.

La'aqtaqa Ñim Lo'onatac 'Enauacna 2013

¹⁵ Qataq qantooñita'ac da So Qarataxala' Jesucristo qomi' iuatta'alo, da yaqto' ishet da ñeca'alaxauec qome. So qanauochaxaua qartaua qarqaỹa Pablo, nataqa'en ỹiyiñi co'ollaxa de'era, cha'aye Ñim Lo'onatac 'Enauacna ỹa'axatem co'ollaxa de'era.

2 Pedro 3:15 Referans Kwoze

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

1 Timoteo 1:16

Qalaxayi ñaqaiyita ñi Dios aÿim ichoxoden, cha'ayi ñimayi nshitaique da aÿim l'auaxanec da do'onataxana naq'en so Jesucristo da ÿachaxana na shiÿaxauapi da lhualaxavic lta'adaic. Cha'ayi ÿauotaique da aÿim naloqnaxanaxat, yaqto' ca shiÿaxaua ishit da i'amaqten so Jesús, qaq ÿaconguet da nca'alaxa mayi chochi tateec.

1 Pedro 3:20

Somayipi nachiso so sa ishit da ÿalaq som hua'a'u vi'iyi mayi huetaiguilo so Noé, co'ollaq ñi Dios huo'o da lhualaxavic da iuatta'a da qai'attega't aso notaxaqui, co'ollaq vichigui da 'oocholqa soua shiÿaxa'u mayi nca'aleeguesopa so 'etaxat.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

Hechos 15:25

Qaq ÿoqo'oyi 'enauac da shinaqta saÿamaxadenaqta da sauoqo'oi ne'enaua qadqaÿa't, da yaqto' qami' nqo'onalo, nachi lÿata'pe naua qanauochaxa'u qadqaÿa't Bernabé qataq Pablo,

1 Corintios 2:13

Qaq qomi' da sa'axataq de'eda, nachi setaxasoxoiguilo naua n'aqtaqa mayi qomi' ÿapaxaguenque so Espíritu mayi chigoqo'ot ñi Dios, qaq sa ishit da nachinaua naua n'aqtaqa mayi sachigoxotaqaiguilo da maichi qadaÿajnataxanaxac. Qaq 'eda da 'eetec da sa'axata'q naua napoyiñi lataxaco da sa'aqtaxanaxam cam netanguita so Espíritu Santo.

Efesios 3:3

Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

Hechos 7:10

ÿoqo'oyi ÿiltaxanguet 'enauac na nque'ejnaxaguesat, qataq ÿanem da laÿajnaxanaxa qataq ÿanem da nchoxonnataguec. Nachi so lta'a nam netaña yi Egipto, l'enaxat Faraón, ÿanagui so José da nta'a yi 'alhua Egipto, qataq da ilo'ogue so lma' somayi.

Hechos 9:17

Nachi so Ananías jec da taÿa ca noÿic mayi netaña so Saulo. Qaq co'ollaq inoxoneu'a ca hueta'a, nachi ÿashil-lec somayi, nachi 'enapego', 'eeta': –'Am ÿaqaÿa Saulo, ñi qadataxala' Jesús mayi 'am nachaxana co'ollaq 'ananactague' na nqa'aic, ñimayi aÿim namaxa 'am, da yaqto' qaltaq 'anauaañi, qataq da 'am nlaqchigui so Espíritu Santo.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.