2 Pedro 3:14 - Nuevo Testamento Toba Sur

¹⁴ Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

Nuevo Testamento Toba Sombrero Negro

¹⁴ Chane'eja, ami yaqaya'olqa, da'me cha'li auachetaque da'me dojo', 'noota qom ena'te aueñi qalaq da'me dojo', qaedi ñe'me Dios ami yauanalo da'me 'uo da'me at'emaĝaqui, nataq'aen yema da'me ami yoqovite' choqoda'me qaya'te adaviyaĝaje'che.

La'aqtaqa Ñim Lo'onatac 'Enauacna 2013

¹⁴ Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

2 Pedro 3:14 Referans Kwoze

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Filipenses 2:15

yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

Lucas 12:43

Qaq ÿataqta machiguiñi que'eca nlatac qom huo'otaq nvi' ca n'aco', qaq ilalec camayi da i'ottac dam l'onataxanaxac.

Lucas 2:29

'Am ÿataxala', nagui mayi ishit da aÿim 'ai'anem ca saqca ca da loga't da ñachaalataxac, cha'ayi ipacchigui dam 'ad'aqtac mayi 'auachaxanapecot co'olloxochiyi na 'adlatac.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

Filipenses 3:20

Qalaxayi qomi' qadma' da piguem, qataq seuataqtaique da ñi'iguelaq so qadca'alaxaqui mayi qadataxala' Jesucristo qom chigoqtegue da piguem.

Mateo 24:26

Qaq ÿoqo'oyi da huo'o ca qami' 'enapegalo da 'eeta': “Ña qauloÿa ñi qadta'a qadca'alaxaqui, ñimayi netalec yi tojlec 'alhua,” qalaq sa ishit qome da qanqo'oñiuga. Huo'otaq da 'eeta': “'Iñi ñimayi, netaigui ñi noÿic,” qalaq sa ishit qome da qau'amaqchiñi.

1 Timoteo 6:14

da 'aualaxalguete naua ÿaqataxaco. Ÿataqta sa ishit da 'auashaxaadeec, yaqto' sa ishit da qauem ca 'an'aqtaguec. Qataq qoquetot de'eda, chochi ivitta'a que'eca na'a'q qom ñi'iguelaq so qadataxala' Jesucristo.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.

2 Pedro 3:16

Qaq 'enauac ana ledepi somayi qami' i'axattapeguema de'eda, qalaxayi huo'oi naua huañalo da ÿataqta huo'o da lqalaic da qai'axateguelo naua llico. Qaq ÿoqo'oyi nam qaica ca ÿaÿajnapec qataq sa ishit da da'añi da lpi'iÿaxac nachi ishit da ÿaqa'a naq'en ca ÿanaigui. Huaña, nachi 'eeta'am naq'en da 'eetec nam laÿipi nanettañi l'aqtacpi ñi Dios da ÿashaxaneec, nachi ishit da maichi que'emaxam.

Mateo 25:7

Nachi 'enauaque se'esoua qa'añi ñiyishigue'm, nachi ÿaÿamaxajyiñi soua lcoÿadaxanaxaqui'.