2 Pedro 3:12 - Nuevo Testamento Toba Sur

¹² Qaq qauachiÿa'aguet qome que'eca na'a'q mayi lvidaxaqui da ñi Dios da nmit 'enauacna, qataq ÿataqta qauayiñiita'aguet qome que'eca na'a'q mayi huetoigui da na piguem ÿavigaxat ca nodec, qataq 'enauac nam hueto'ot namayi nlaguiñi souaxat na l'edaxa ca nodec.

Nuevo Testamento Toba Sombrero Negro

¹² Aueuachi'taguet ga'me nolo' 'me lovidaĝaiqui ñe'me Dios, qama'le auadeñita'aguet qomle ga'me nolo'. Qama'le qom yovita ga'me nolo', di'me piyem male qoyaviyaĝat, qama'le pal. Nach'e ena'ama gaa'me uo'oe male nimichidiñe da'me uedaue ga'me dole' lauaq.

La'aqtaqa Ñim Lo'onatac 'Enauacna 2013

¹² qataq huo'o da qaryaqai da qauacheeta'aguet que'eca na'a'q da Ñimaye nmit 'enauacna. Que'eca na'a'q ca norec ỹavigaxat na piguem, qataq quiguiñi naqa'en ana huaqaañipi.

2 Pedro 3:12 Referans Kwoze

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

2 Pedro 3:4

Nachi qami' ina't qome, 'eeta': “¿Huá'ague ca 'eetec cam qami' qaÿachaxanapecoto lli'iguelaxasoxoc so Cristo? Yi chochi ivitta'a co'ollaxa da ileu so hua'au qadta'alpi, qalaq nachi 'eetai' sa ishit da huo'o ca nqochin 'enauacna, chigoqta'a co'ollaq chita'ague da qai'ot ana 'alhua.”

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?