2 Pedro 3:11 - Nuevo Testamento Toba Sur

¹¹ Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

Nuevo Testamento Toba Sombrero Negro

¹¹ Yema gaa'me uo'oe male qoyolaĝachigui qomle. Chane'eja da'me ami, ¡'noota qom let'adaic da'me anetelaĝaqui nataq'aen da'me nach'e eta't aueñi yoqovita da'me at'oyaĝaqui da'me oquitapegue' ñe'me Dios!

La'aqtaqa Ñim Lo'onatac 'Enauacna 2013

¹¹ Qaq nagui da 'enauac ne'enapi, da 'eetec de'era da qailaxachigui qome, nache qami', iuen da qaualaqaiguet Ñim Lo'onatac 'Enauacna qataq qauo'oche ca ỹaỹamaqchiguiñi,

2 Pedro 3:11 Referans Kwoze

1 Pedro 1:15

Chaqdato' qome da qoviitaigui da achaalataxac mayi ÿataqta qui'itta, cha'ayi ñim Dios mayi qami' iÿaxanalo, ñimayi ÿataqta qui'itta.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

2 Pedro 3:12

Qaq qauachiÿa'aguet qome que'eca na'a'q mayi lvidaxaqui da ñi Dios da nmit 'enauacna, qataq ÿataqta qauayiñiita'aguet qome que'eca na'a'q mayi huetoigui da na piguem ÿavigaxat ca nodec, qataq 'enauac nam hueto'ot namayi nlaguiñi souaxat na l'edaxa ca nodec.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

Santiago 3:13

Da huo'o ca 'oonolec da qoñiita ÿataqta ÿajnataxanaxaic qataq huo'o na ÿaÿaten, ña ÿachaxan ca ÿaÿamaqchiguiñi n'onataxac qataq da huosotta lataxac dam ÿachigoxotaigui da laÿajnec.

Filipenses 3:20

Qalaxayi qomi' qadma' da piguem, qataq seuataqtaique da ñi'iguelaq so qadca'alaxaqui mayi qadataxala' Jesucristo qom chigoqtegue da piguem.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

1 Timoteo 6:3

Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

Mateo 8:27

Nachi so shiÿaxauapi ÿataqta huo'o da l'aalaxa. Nachi 'eeta': –¿Négue't dam da' shiÿaxaua, yi ivida'a na l'at qataq ana lapel da ÿalaxaguet?

Santiago 1:24

Chochi imeten ca 'eetec da lashiguiaxac. Ime, qaq jec. Qaÿata'ague, nachi icoua'ai ca 'eetec.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

1 Timoteo 6:6

'Eesa mque' da qad'amqajnataxanaxac naigui da nsallaxa, qalaxayi ca shiÿaxaua ÿaÿaten da ntootapeguec catai' hueto'otolec.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Hebreos 13:5

Qataq sa ishit qome da qanmichiita'ai añi plata; chaqdata da qantoñiitapeguec cam huo'o. Cha'ayi ñi Dios 'eeta': “Sa ishit da 'am seÿoteec, qataq sa ishit da 'am salat.”

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Romanos 13:11

Qaq 'enauac de'eda shiitega da qami' iuen da qauloÿa'alo ne'enaua na'axa'te mayi souaqtaiguilo, qataq qauaÿajñi da mashi ivita yi laloqo' da ñiloxoueguesop na qad'ochaxa. Cha'ayi dam qadca'alaxa mashi ÿataqta sa qaÿapeque, saq 'en'am co'ollaq chita'ague da sa'amaqtenaq da n'aqtac.

Romanos 13:12

Nagui 'ico' mashi qaÿoqtegue so pe, qaq mashi sa qaÿapeque ca na'a'q. Qaq ÿoqo'oyi iuen da qomi' saxanaxauec nam qai'ottacpi mayi huaigui na napalaxa. Ime, qaq sanaxayiñi caua qad'ogoxonqa'te, shinaqta'am ca ale da quetaigui yi na'a'q.

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.