2 Pedro 3:10 - Nuevo Testamento Toba Sur

¹⁰ Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

Nuevo Testamento Toba Sombrero Negro

¹⁰ Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

La'aqtaqa Ñim Lo'onatac 'Enauacna 2013

¹⁰ Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

2 Pedro 3:10 Referans Kwoze

Apocalipsis 21:1

Ime, nachi sela'a so piguem dalaxaic qataq aso 'alhua dalaxai, cha'ayi so hua'auchiguiñi piguem qataq aso hua'auchiguiñi 'alhua mashi imeuo. Qataq aso auaxai nataq'en mashi imeuo.

Mateo 24:35

Na piguem qataq ana 'alhua imeuo qome, qalaxayi da i'aqtac sa ishit da imeuo.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

1 Ts 5:2

Cha'ayi qami' mashi qauaÿajñiita que'eca na'a'q mayi lvidaxaqui so qadataxala'. Camayi huetoigui ca na'a'q da sa qaÿauapque, 'eeta'am ca cachaxaic da quetagui yi pe.

Marcos 13:31

Na piguem qataq ana 'alhua imeuo qome, qalaxayi da i'aqtac sa ishit da imeuo.

2 Pedro 3:12

Qaq qauachiÿa'aguet qome que'eca na'a'q mayi lvidaxaqui da ñi Dios da nmit 'enauacna, qataq ÿataqta qauayiñiita'aguet qome que'eca na'a'q mayi huetoigui da na piguem ÿavigaxat ca nodec, qataq 'enauac nam hueto'ot namayi nlaguiñi souaxat na l'edaxa ca nodec.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Lucas 12:39

Qataq qauaÿajñiita de'eda shinapec da huo'otaq ca lalamaxat ca noÿic da huo'otaq ÿaÿaten ca laloxoqui da nvi' ca cachaxaic, nachi camayi sa ishit da do'ochi, qataq sa ishit da ÿashin da qainoxotau'a da yaqto' qaicachiÿot.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

1 Corintios 5:5

Ime, qanachi que'eca shiÿaxaua qoÿanguet so Satanás, yaqto' qanlaxajñi da l'oquiaxac, qalaxayi qanca'alaxateec som capegue' lqui'i, qom ñi'iguelaq so qadataxala' Jesús.

Romanos 8:20

Cha'ayi nam n'onatacpi mayi qoÿanguet co'ollaxa da ishit da nlaguiñi, qaq damayi sa ishit da maichi lhuennataxac namayipi, cha'ayi ñi Dios nachi 'en'ac naq'en namayipi. Qalaxayi ñaqaiyita huo'o da aquitaxac

Judas 1:6

Qataq som lamaxashicpi piguem l'ecpi ñi Dios mayi sa ishit co'ollaxa da ÿaÿamaxatec da l'onataxanaxac, chaqdata da ca'ai cam lalamaxat lma', nachi ñi Dios chochaq tateec naq'en da icoñitta'aguet na napalaxa somayipi, da iuatta'aguet naq'en ca pa'ateec na'a'q qom nmit 'enauacna.

2 Corintios 1:14

da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

1 Ts 5:4

Qalaxayi qami' qadqaÿa't, sa ishit da qoviitaigui ca 'ico' napalaxa, yaqto' que'eca na'a'q, lvidaxaqui so qadataxala', sa ishit da qami' ique'elaxa't, 'eeta'am cam cachaxaic.

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

Apocalipsis 6:14

Qaq na piguem qalaq nlagaxatapec, 'eeta'am da qainana't. Qaq anam qasoxonaxapi qataq anam delecpi qalaq 'enauac ca'aisalo naua lma'te qanqoÿin.