2 Pedro 2:4 - Nuevo Testamento Toba Sur

⁴ Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

Nuevo Testamento Toba Sombrero Negro

⁴ Dios ja yichoĝode'n joca'li jogaa'me piyem laje'pi jo'ne yauote da'me loe'j, dite da'me yamaĝadoue di'me ne'uaĝanaqa' qaedi yanetedaue joga'me 'lalaĝa, qama'le qoyajoqoteda'aguet ga'me nolo' p'ategue qom qoya'uo da'me nec'atenaĝanaĝac.

La'aqtaqa Ñim Lo'onatac 'Enauacna 2013

⁴ Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

2 Pedro 2:4 Referans Kwoze

Judas 1:6

Qataq som lamaxashicpi piguem l'ecpi ñi Dios mayi sa ishit co'ollaxa da ÿaÿamaxatec da l'onataxanaxac, chaqdata da ca'ai cam lalamaxat lma', nachi ñi Dios chochaq tateec naq'en da icoñitta'aguet na napalaxa somayipi, da iuatta'aguet naq'en ca pa'ateec na'a'q qom nmit 'enauacna.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Romanos 8:32

Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Lucas 10:18

Nachi so Jesús 'enapeco': –Aja', aÿim sauaachigui can najñi so Satanás, chigoqtot na piguem, 'eeta'am na nqashilgaxa.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.

2 Pedro 2:11

Qamaq na namaxashic piguem l'ecpi mayi ÿacteec da l'añaxac qataq da damaxasoxonapec, qalaq sa ishit da huo'otaq sa ÿadenalec da iuaxanque naua l'aqtaqa ne'ena damaxasoxonapecpi da huo'otaq ÿauaachigui naq'en ñi qadataxala'.

2 Pedro 2:5

Nataq'en sa ishit da ichoxonnai' ñi Dios som hua'au shiÿaxauapi. Chaqdata da npaxaashiguem naq'en so auot se'eso shiÿaxauapi mayi qauemaicpi. Qaq chaqsota so Noé nca'alaxateec, qataq soua lÿa't siete, cha'ayi somayi i'axattac da achaalataxac mayi qui'itta.

Lucas 8:31

Nachi se'eso n'ecpi nachoxodeetacot so Jesús, da yaqto' sa ishit da ÿamaxaña ca nhuaxanqa' na 'itaxaloxoicpi.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Judas 1:13

Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

Romanos 11:21

Cha'ayi ñi Dios da ÿataqta sa ichoxonnai' co'ollaxa da nqat asa'aso lcoue aso qo'ipaq, qaq nataq'en 'am sa ishit da 'am ichoxonnai'.