2 Pedro 2:3 - Nuevo Testamento Toba Sur

³ Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

Nuevo Testamento Toba Sombrero Negro

³ Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.

La'aqtaqa Ñim Lo'onatac 'Enauacna 2013

³ Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

2 Pedro 2:3 Referans Kwoze

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Judas 1:15

da yaqto' nmit 'enauac na shiÿaxauapi, qataq da ÿauo'o da nhuaxanaguec nam qauemaicpi, souaxat 'enauac nam sa ÿaÿamaxañisat mayi chigoqchigui namayipi, qataq souaxat nam qauem l'aqtacpi ne'ena 'itaxaloxoicpi mayi sa iyacnapec da detaxaÿa ñimayi.”

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

2 Pedro 1:16

De'eda qadapaxaguenataxanaxac mayi qami' sanaxama da sa'axataqtac da l'añaxac qataq ca lli'iguelaxasoxoc so qadataxala' Jesucristo, damayi sa ishit da sachigoxotaqchigui ca chochi qaÿachigoxotchiiya' n'aqtaxanaxac. Cha'ayi qomi' ÿataqta ñimaqa'ai' co'ollaxa da sauanaqchigui da l'amaqchic somayi.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.

Judas 1:7

Nataq'en so shiÿaxauapi lma' yi Sodoma qataq Gomorra qataq som shiÿaxauapi mayi lauodeuapi mayi 'eeta'am se'eso namaxashicpi piguem l'ecpi da nañanguet da lquishiguetaxac, qataq taigui da namanaxanaqtaic mayi sa natenguet da ÿoqta lataxac ca shiÿaxaua, nachi 'enauac somayipi nque'etaxangui so nodec mayi chochaq tateec co'ollaq qaÿauo'o da nhuaxanaguec. Qaq damayi 'eeta'am da nqataxac 'enauac na shiÿaxauapi.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

1 Pedro 2:8

Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

1 Timoteo 3:8

Nachi 'eetec nataq'en na ltauapi ca nataxala' iuen da no'on da n'aqtaguec, qataq sa ishit da ÿatenachit da l'aqtac. Qataq sa ishit da taxaic, qataq sa ishit da quetaigui da latenataxanaxac da nmitta'a aca plata.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

1 Ts 5:3

Cha'ayi na shiÿaxauapi, qom 'eetega da 'enauac lactapiguiñi qataq saqca ca da, nachi nvita namayipi ca nhuaxanaguec lta'adaic, chochi nque'elaxatta, 'eeta'am da nqui'ic aca 'alo hualaxai da ivita yi laloqo' da deco'o. Namayipi sa ishit da ÿit da nhuaxanaguec.

Juan 2:16

Nachi 'enapega na imeetac na qoto'pi, 'eeta': –¡Qanqachiiuec qome 'enauac ne'enapi! ¡Sa ishit da qau'ochiic na lma' ñi ita'a da menqa' qanqashiñi!

Lucas 22:47

Qaq ña detaqtac so Jesús co'ollaq nvi' so ÿataqta qalota shiÿaxauapi. Qaq qanatataueegue so l'enaxat Judas, som 'oonolec so doce lapaxaguenatacpi. Nachi somayi nquigueu'a so Jesús da napigoq.

Lucas 20:20

Nachi qaÿauo'o so qanamaxai'pi chochi npi'itaxanaxanec. Somayipi chochi n'enaqchin da 'eetega no'on shiÿaxauapi, da yaqto' isomaxanaqchi't naua l'aqtaqa somayi, nachi ishit da huo'o ca qaÿachigoxotchigui ca lasouaxashit, nachi qoÿaneu'a so nta'a.

Lucas 18:8

Qaq aÿim shinapec da ÿataqta qaica ca ÿiga ñimayi da iuejlec ca shiÿaxaua. Qalaxayi ne'ena shiÿaxaua llalec qom ñi'iguelaq, qaq ¿peta'a ñaq huo'o qome nam i'amaqteetac namayi nam huetalec ana 'alhua?

Judas 1:16

Namayipi taxaÿaxaicpi qataq quetapeguelec ca lÿa. Chaqdata da nmitta'ai cam maichi lqopitaxanaqtaic. Qataq naua l'aqtaqa ÿataqta ñi'oxonnaxaiqa. Qataq da detaxaÿa ca lÿa shiÿaxaua, qalaq ÿataqta iyaata, cha'ayi chochi naquitta'a.

Mateo 23:14

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ÿataqta qauqui'itaxachiite' naua lma'te ana pa'aipi, nachi qami' chochi qanqañoxochiÿoigui da qau'ochi da logodaic qanatamnaxaqui. Qaq ÿoqo'oyi qami' ÿataqta lta'adaic qome da qanhuaxanaguiiqui.