2 Pedro 2:19 - Nuevo Testamento Toba Sur

¹⁹ Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

Nuevo Testamento Toba Sombrero Negro

¹⁹ Jogaa'me eedapega da'me 'yaĝatetedac da'me ladiquiyaĝac da'me 'noyaĝac 'me yelo'tegue da'me 'nemaĝac, qalaĝaja nach'egaua jo'ne uetedaue da'me lejomaĝac queda'me lelataqa da'me neleuaĝa. Qa'a gaa'me jiyaĝa'u onolqa'tape lelatac ga'me jo'ne equegue jo'ne 'uo da'me lañoqotaĝanaĝac.

La'aqtaqa Ñim Lo'onatac 'Enauacna 2013

¹⁹ Qataq ỹachaxanapecot da huesochiguiñi namayepi da ỹo'ot ca maiche 'eetapeguec, qalaxaye namayepi saishet da ỹañoxot da ỹaxaañi da ỹo'ottac na qauem. ¡Qaq nachena ne'ena qauempi na iviraxata'a da ilaxachigui namayepi! Cha'aye ca saishet da ỹaxaañi da ỹo'ottac na lasouaxashetpi, nache camaye ivira'a da l-latac da ñe'etaxaloxo.

2 Pedro 2:19 Referans Kwoze

Juan 8:34

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da 'enauac nam i'ottac da lli'itaxaloxo, namayipi 'eeta'am da l-latacpi de'eda ñi'itaxaloxo.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

1 Pedro 2:16

Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

2 Timoteo 2:26

yaqto' nal'en da ntouen, qataq ca'ai da lqoinaxanaxac so shiÿaxaua lma'na mayi lcoñitaguishic da i'ot naq'en ca maichi 'eetapeguec.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

Hechos 19:16

Nachi se'eso shiÿaxaua mayi huo'o so l'ec leguemaxaic padenaxanoiguilo soomayi, nachi ÿataqta qaica ca 'eneque naq'en, sa iyacna'pe, qataq icolaxatta'pe, huetrauec naq'iñi qataq ique'emaqchi't, nachi soomayi datadeec.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.