2 Pedro 2:18 - Nuevo Testamento Toba Sur

¹⁸ Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Nuevo Testamento Toba Sombrero Negro

¹⁸ Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

La'aqtaqa Ñim Lo'onatac 'Enauacna 2013

¹⁸ Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

2 Pedro 2:18 Referans Kwoze

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Santiago 5:5

Nagui da ña qauapiitalecna, qataq ÿataqta qanañañiiguet na ñi'oxoyic qataq na nqopitaxanaqtaicpi. Qami' qanchaqchiitapeguela't, qoñiÿa'am ca nalaatac huaca. Qaq nagui mashi nayiita'a da qanalaataguiiqui.

2 Ts 2:4

'Eca ca depa'aguenataxan mayi nachajñi da dataÿa'aguet 'enauac na ÿachitac da l'enaxat ñi Dios, huo'otaq nam qanatameetacotpi. Qataq ivitta'a da nso'oolec ca atamnaqa' da qanatamnot ñi Dios, nachi 'eetega da nachica ca Dios.

Apocalipsis 13:11

Ime, qataq sela'a so lÿa shiguiÿac. Somayi chigoqtoigui ana 'alhua. Qaq somayi dos soua lcoue, 'eeta'am na qagueta llalec. Qalaxayi naua l'aqtaqa 'eeta'am ca shiguiÿac mayi 'ico' da'ail'oc.

Judas 1:13

Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.

Hechos 8:9

Qalaxayi huo'o so shiÿaxaua l'enaxat Simón. Somayi co'ollaxa do'onataxaatega da napinshaxac da ÿatenachittac na shiÿaxauapi mayi hueta'a yi'iyi pueblo Samaria. Somayi 'eetego' naxa da ÿataqta huo'o naq 'enec.

Hechos 2:40

Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta': –Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.

2 Pedro 2:7

Qalaxayi nca'alaxateec co'ollaxa so Lot, cha'ayi somayi ÿataqta no'on da lataxac, qataq souaxat da ÿataqta qalota da nqui'ic co'ollaq imeteetac da qauem lataxac se'eso shiÿaxauapi mayi qauemaicpi.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

2 Pedro 3:17

Qaq ÿoqo'oyi qami' ÿaqaÿadolqa, nagui da mashi qauaÿajñiitac de'eda, qaq no'on da ÿataqta qanchilliila't, da yaqto' sa ishit da chochi qami' ÿauecta'pe da latenataxanaxac na shiÿaxauapi qauemaicpi, nachi ishit da qoquiÿa'ai da qad'amqajnataxanaxaqui.