2 Pedro 2:13 - Nuevo Testamento Toba Sur

¹³ qataq qaÿi'iguelaxateguet qome da nque'etaxangui 'enauac nam i'otec na laÿipi. Namayipi ipi'itaxano' da ÿataqta machiguiñi da quetaigui na lamanaxanaqtaiguesat mayi sa qaÿauec. Namayipi ÿataqta i'ot da n'aloxo, qataq da qai'ot ca sa ÿaÿamaxañi da huo'otaq qami' ÿalectaiguilo da qau'ochiitac na qadqui'axaqui. Nachi namayipi ÿataqta machiguiñi da chochi qami' ÿatenachitta'pe.

Nuevo Testamento Toba Sombrero Negro

¹³ da'me 'uo ga'me lachoĝode'j qoyen. Queda'me eetapela'ajalo made'tape da'me najetedoue da'me namaic jo'ne yema ga'me nolo' da'me 'uo. Nataq'aen ena'am ta'le doqo'y nataq'aen paĝachiguilo jogaa'me, jo'ne ye't ga'me ja no'en nale ami uetauelo da'me a'vichetac ga'me adiqui'yaĝaqui, qama'le yataqata machidiñe da'me ch'e ami yoqovi'tape.

La'aqtaqa Ñim Lo'onatac 'Enauacna 2013

¹³ Qataq huo'o da nque'eenaxac souaxat nam ỹo'otec nque'eenaxacpi na laỹepi, cha'aye ipettega da ivira'a da machiguiñi souaxat nam ỹo'ottacpi qauem maye maiche 'eetapeguec da ỹachaigui ye na'a'q. Ỹataqta ỹo'ot da na'agaxa da qaimeteetac nam ỹo'ottacpi qauem, qataq nam qami' ỹo'oteque qauem da qami' ỹalectraiguilo da huaigui na laponaxac na ỹa'amaqten So Jesús.

2 Pedro 2:13 Referans Kwoze

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

Filipenses 3:19

Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

Efesios 5:27

Yaqto' qom ivita da nachaalataxaneu'a somayi na 'amqajnataxanaxaicpi, qalaq ÿataqta huo'o da lyaquiaxac, qataq qaica ca lshipaxanaxa, huo'otaq ca 'ico' lvigaxataxa, huo'otaq ca lÿa 'eeta'am de'eda. Chaqdata da ÿataqta qui'itta qataq nalochiguiñi.

Apocalipsis 18:6

Qaq qaushiichiñiÿa'aguet qome yimayi, ÿataqta qau'enaxachiiteguet da 'eetec naq'en nam laÿipi. Qalaxayi ÿataqta ÿacteec qanqashiñi cam qai'añiim yimayi, 'eeta'am da 'eetec da ÿataqta qauallicñiÿa't na ÿotta'a't qui'aq lataxa, da yaqto' qai'añiim.

2 Pedro 2:15

Qataq namayipi isomtac, cha'ayi maichi ca'ai da ñiquiaxac mayi ÿaÿamaqchiguiñi souaxat da quegue da lataxac so l'aqtaxanaxanec ñi Dios, l'enaxat Balaam, som llalec so Bosor, som i'ot co'ollaxa da sa ÿaÿamaxañi souaxat da nshitaique da nauec da nshiitenaguec.

2 Timoteo 4:14

So lcat l'o, l'enaxat Alejandro, ÿataqta saqalota na aÿim i'otec qauem. Qaq so qadataxala' ishiitenguet qome 'enauac na i'otpi.

Santiago 5:5

Nagui da ña qauapiitalecna, qataq ÿataqta qanañañiiguet na ñi'oxoyic qataq na nqopitaxanaqtaicpi. Qami' qanchaqchiitapeguela't, qoñiÿa'am ca nalaatac huaca. Qaq nagui mashi nayiita'a da qanalaataguiiqui.