2 Pedro 2:12 - Nuevo Testamento Toba Sur

¹² Qalaxayi ne'ena shiÿaxauapi ÿataqta 'eeta'am na shiguiÿacpi mayi qaica ca ÿaÿajnapec. Chochi quetague' da lmejnaxanaxac, qataq ñiguiñi da yaqto' taÿa'a da qaÿaconeu'a qataq da qaÿalauat. Namayipi ÿataqta sa iyacnapec da detaxaÿa cam sa ishit da ÿaÿaten. Qalaxayi namayipi 'eeta'am qome da l-leuaxa na shiguiÿacpi,

Nuevo Testamento Toba Sombrero Negro

¹² Naajo' jiyaĝa'u jo'ne ena'ama ga'me yejidipi: qaya'te layatenaĝanaĝa'j, ch'e quetedapegue' da'me lec'atenaĝanaĝa'j, qama'le niyidiñe qaedi taida'a da'me qoyaconalo nataq'aen da'me qoyala't, nataq'aen da'me yojoue'n da'me jo'ne ja yayate'n. Qalaĝaja yele'u jo' qomle qama'le qo'eetema gaa'me yejidi da'me qoyala't,

La'aqtaqa Ñim Lo'onatac 'Enauacna 2013

¹² Ne'ena ỹalleppi ỹataqta qaica ca ỹaỹaanapec, qataq 'enauac nam ỹo'otpi saishet da ỹoqta ỹaỹateeta, ncotateguelec ca sa ỹaỹaten, qataq 'eeta'am na shiguiỹacpi da ñiguiñi da yaqto' taỹa'a da qaỹaconeua'a da qaỹalauat.

2 Pedro 2:12 Referans Kwoze

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

Gálatas 6:8

Ca shiÿaxaua da nqopita da ÿaañi cam 'eetapeguec da lapachiyaxac, nachi camayi nqat ca naigui nleuaxa de'eda lapachiyaxac mayi ÿaañi. Qalaxayi da huo'otaq ÿaañi cam ÿaÿamaxadeeta so Espíritu, nachi so Espíritu ÿanem camayi da nqat ca achaalataxac mayi qaica ca loga't.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

Juan 8:21

So Jesús qaltaq ÿi'iguelaxalec da detaqa, 'eeta': –Aÿim ashic, qaq qami' qome aÿim qanmichiitaique, qalaxayi qami' qaulliviitañito qome naua qadasouaxashi'chilli'. Cha'ayi cam aÿim sataigue, qalaq qami' sa ishit da qauañoxochi da qaviyiÿa'a.

Marcos 7:22

qataq da ncachaxac, qanqopitta'a ca ÿaqa'a, qataq na qauemsat, natenataxanaxac, nqopitaxanaqtaic, nquiÿaxanaqtaic, qai'axat ca saq 'en, 'amqajnaxac, sa daÿajnataxan.

Colosenses 2:22

Qaq 'enauac ne'ena qaÿapaxaguenataxaatapeguecpi, namayipi tai'a da imeuo. Qataq ne'ena napaxaguenataxanaxacpi maichi lamaxasoxonaxac qataq lapaxaguenataxanaxac nam chochi shiÿaxauapi.