2 Pedro 1:8 - Nuevo Testamento Toba Sur

⁸ Cha'ayi da qami' hueto'oto 'enauac ne'enapi, qataq da qanquigaxachiitashiguem, nachi da qanachaalataxaqui sa ishit da saqca ca naigui qataq sa ishit da chochi nalatta da qadauattonaxanaxaqui so qadataxala' Jesucristo.

Nuevo Testamento Toba Sombrero Negro

⁸ Qom naq'aeta da'me aueñi adoqochidi' naa'me naajo' jo'ne uo'oe nataq'aen da'me anichiyaĝachiyegue, qama'le da'me at'oyaĝaqui 'uo ga'me chiyaqayi qomle, qa'a ja ch'e yajamaĝajaye da'me auatetoñi ñe'me Jesucristo mach'e Qadejaliaĝanec.

La'aqtaqa Ñim Lo'onatac 'Enauacna 2013

⁸ Da qami' qauauattoñi So Jesucristo, nache maiche qauo'oche 'enauac de'era qataq qanpogoxoiñiỹapegue' da qanquiquiita'aguet da ỹataqta ỹaỹamaqchiguiñi. Huaña, nache ivita da nda'a't da ỹaỹamaqchiguiñi qauo'ocheetac.

2 Pedro 1:8 Referans Kwoze

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

2 Pedro 1:2

Ñishitaique da qauacoñiiguet dam chochaq huañi nchoxonnataxanaxa qataq da nlagaxayic mayi chigoqchigui da qadauattonaxanaxaqui ñi Dios qataq so qadataxala' Jesús.

Filemón 1:6

Nataq'en seÿaxaatacot ñi Dios, da yaqto' nam da'amqajnataxanpi mayi chigoqchigui da 'adpi'iÿaxac, da yaqto' namayipi ÿataqta ÿaÿateetegue ca lataxac 'enauac na nqouagaxanaqtaicpi mayi chigoqo'ot so Cristo Jesús.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Filipenses 2:5

Qataq qoñiita'am qome da lataxac da lhuennataxac so Cristo Jesús.

2 Corintios 13:5

Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

Colosenses 2:7

cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

2 Corintios 9:14

Qataq camayipi nachi ishit da qami' nqouagaxaueetapeguelguete, cha'ayi ÿataqta qalota da lauochi da qoñiita, souaxat da lqouagaxanaqtaic ñi Dios mayi qami' ÿanema.

2 Corintios 8:2

Cha'ayi nai'ctaxa da lqalaic yimayipi souaxat da ñi'iguenataguec, qalaq nachi 'en'am ÿataqta machiguiñi. Qataq nai'ctaxa yimayipi da ÿataqta choxodaq, qalaxayi ÿataqta chitaqtaxanaxaicpi, 'eeta'am da sallaxanecpi.

1 Timoteo 5:13

Qataq taÿa da tateu'alo naua noiqa, chochi ivitta'a da qaica ca i'ot. Qaq saqdata da qaica ca i'ot, nataq'en taÿa da n'aqtaqa l'o' qataq nshiguenaxai, qataq sa ilo'oguelo naua ltaxaÿaxaco.

1 Ts 3:12

Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

2 Corintios 8:7

Cha'ayi qami' qaica 'enauac ca qanqalaachi': huo'o da qadpi'iÿaxaqui, qataq sa ishit da qanqalaachi da qauapaxaguenataxañi, qataq huo'o da qadauattonaxanaxaqui, qataq da qan'añaxataxaqui, qataq da qauauochi da shinaqta. Qaq ÿoqo'oyi no'on da sa ishit da huo'o ca qoue qanqashiñi nataq'en de'eda nachitaqtaxanaxac.

Romanos 12:11

Qataq ÿataqta qan'añaxachi, sa ishit da qami' hualaiqa. Qataq da qau'onataxañiitacot so qadataxala', qalaq ÿataqta imauec da qadquiyaqteÿaxaqui.

Juan 5:42

Qataq aÿim ÿataqta saÿateeta da qoñiita da sa ishit da qauauochiic ñi Dios.

Mateo 25:26

Nachi se'eso 'aco' 'enapeco': “'Am nlatac qauemaic qataq hualaic. ¡'Am 'auaÿateetac mque' co'ollaxa da aÿim ishit da ñaqat na ala ca saq ÿanguishic, qataq da llapon cam sa ishit da ichigoxoshic!

Mateo 20:6

Qataq so mashi inoxootapiguiñi aso nala', nachi qaltaq ÿi'iguelaxauga se'eso 'aco' so naponqa'. Nachi qaltaq ilalec so laÿipi 'onataxanaxaicpi qaica ca l'onatac. Nachi 'enapega, 'eeta': “¿Tá'ainco' yi qoviita'a ne'ena so na'axalom, qaica ca qad'onataxanaxaqui?”

Mateo 20:3

Qaq co'ollaq mashi qaÿata'ague aso nala' se'eso nte'eta, nachi qaltaq ÿi'iguelaxauec se'eso 'aco'. Nachi somayi ilalec so laÿipi 'onataxanaxaicpi, somayipi hueta'a so naponqa', qaica ca l'onatac.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.