2 Pedro 1:4 - Nuevo Testamento Toba Sur

⁴ Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

Nuevo Testamento Toba Sombrero Negro

⁴ Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

La'aqtaqa Ñim Lo'onatac 'Enauacna 2013

⁴ Nataqa'en qomi' ỹanema 'enauac nam lataxacpi maye ỹataqta 'onaxaic qataq huo'o da lta'araic naigui maye qomi' ỹachaxanapeguema co'ollaxa. Qaq nache chegoqchigui damaye da qami' ishet da qoñiỹa'am da lataxac Ñim Lo'onatac 'Enauacna, qaq saishet da qoñiỹa'am na shiỹaxauapi 'etaxaloxoicpi maye huetalec ana 'alhua, cha'aye na qauem lqopitaxanaqtaiguesat namayepi, nachena na ilaxachigui na laỹepi shiỹaxauapi.

2 Pedro 1:4 Referans Kwoze

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

Hebreos 12:10

'Eesa da soua yi'oqchiguilo qadta'al cada'acolec da qomi' ÿapaxaguenque co'olloxochiyi cam ipeta'a da ÿaÿamaqchiguiñi qadataxac. Qalaxayi saq 'en'am ñi Dios mayi qomi' ÿapaxaguenque da ÿoqta 'eesa da qomi' ÿaÿamaxajyiñi, cha'ayi nshitaique da qomi' qui'itte', shinaqta'am ñimayi.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

2 Corintios 6:17

Qaq ÿoqo'oyi nataq'en ñi qadataxala' 'eeta': Qoquiÿa'ai qome na sa da'amqajnataxanpi, qataq qauÿochiilec; qataq sa ishit qome da qaupochiu'a ca ishit da deshipaxanaqtaxan. Yaqto' aÿim ishit da qami' sacongueta,

Gálatas 6:8

Ca shiÿaxaua da nqopita da ÿaañi cam 'eetapeguec da lapachiyaxac, nachi camayi nqat ca naigui nleuaxa de'eda lapachiyaxac mayi ÿaañi. Qalaxayi da huo'otaq ÿaañi cam ÿaÿamaxadeeta so Espíritu, nachi so Espíritu ÿanem camayi da nqat ca achaalataxac mayi qaica ca loga't.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

2 Corintios 1:20

cha'ayi somayi nachiso so ipacchigui naq'en 'enauac na ÿachaxanapecpi ñi Dios. Qaq ÿoqo'oyi da shi'oxodenaq ñi Dios, qaq chigoqchigui so Cristo Jesús da shinaqta' da qadasataxac, “Aja', nachida lataxac.”

Gálatas 3:16

Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

Romanos 9:4

Cha'ayi namayipi maichi llalaqpi so Israel, qataq ñi Dios ÿaconguet namayipi da 'eeta'am naq'en da llalaqpi. Ñi Dios ÿataqta hueta'aguet co'ollaxa naq'en namayipi da lli'oxoyic qataq da chigoqta'ague somayipi ÿanem ñi 'oonolec da naÿamaxataxac, qataq ÿanem so nqataxacpi mayi chigoqo'ot naq'en so Moisés, qataq dam lataxac da qaÿi'oxoden ñimayi da huaigui aso ñi'oxonnataxanaxaqui, qataq ÿanem nam ÿachaxanapecpi.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

2 Pedro 3:13

Qalaxayi qomi' seuataqta'aguet ca dalaxaic piguem qataq aca dalaxai 'alhua mayi ÿachaxanapec co'olloxochiyi ñi Dios, cam huaña da 'enauac qome na shiÿaxauapi no'on da lataxac qataq soxodaicpi.