2 Pedro 1:21 - Nuevo Testamento Toba Sur

²¹ Cha'ayi 'enauac som hua'au l'aqtaxanaxanecpi ñimayi sa ishit da huo'o ca 'oonolec da maichi nalligoxottela't ca l'aqtaxanaxac. Chaqdata da somayipi ÿataqta nañanot da quetague' ñi Dios, nachi i'axa't naua l'aqtaqa ñimayi, cha'ayi so Espíritu Santo i'aqtaxanaxan somayipi.

Nuevo Testamento Toba Sombrero Negro

²¹ Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.

La'aqtaqa Ñim Lo'onatac 'Enauacna 2013

²¹ cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

2 Pedro 1:21 Referans Kwoze

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Lucas 1:70

Qaq damayi nal'ena da qomi' ÿachaxanapeguema co'ollaq i'axatta'aguet naq'en 'enauac som qui'itta l'aqtaxanaxanecpi som hua'a'u vi'iyi:

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Hebreos 10:15

Qaq so Espíritu Santo ÿataqta 'eesa naq'en de'eda da qomi' da'aqtaxanema, cha'ayi da hua'auchiguiñi n'aqtac 'eeta':

Hechos 3:18

Qalaxayi de'eda naigui da ÿataqta ipacchiguilo naua 'ena'pe ñi Dios co'ollaq i'aqtaxanaxan so l'aqtaxanaxanecpi da 'eeta': “Que'eca samaq nta'a nca'alaxaqui, camayi ÿataqta huo'o qome da nque'ejnaxac.”

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Hebreos 3:7

Qaq ÿoqo'oyi naua nanettrañi l'aqtaqa so Espíritu Santo 'eeta': Nagui da qami' qau'aqaichigui ca 'enapec ñi Dios,

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':

Hebreos 9:8

Qaq 'eda da 'eetec so Espíritu Santo da qomi' i'axatema da se'eso hua'auchiguiñi ndaqa', da ñaq 'eetalec da qai'onataxaatapoigui da qai'ot da ñi'oxonnataxanaxac ñi Dios, nachi saxanaxa da qaÿauategue se'eso ñigueuo mayi taÿau'a so lÿa ndaqa' mayi sa qaishitapec.