2 Pedro 1:20 - Nuevo Testamento Toba Sur

²⁰ Qalaxayi hua'auñi qome da qauennachiÿa'a de'eda 'eeta': Sa ishit da huo'o ca 'oonolec nam l'aqtacpi ñi Dios mayi nanettañi da huo'otaq huo'o ca ishit da ndojlec da i'axategue ca llic.

Nuevo Testamento Toba Sombrero Negro

²⁰ Qalaĝaja 'noota qom yataqata auayachiñe da'me dojo': queda'me qaya'te 'uo ga'me yaqanatet ta'le yachiyoĝotayi ga'me mach'e lelnataĝac da'me 'yaĝatetac naa'me nedii's.

La'aqtaqa Ñim Lo'onatac 'Enauacna 2013

²⁰ Qalaxaye hua'auñi qome da qami', iuen da qauaỹaañi da qaica ca napaxaguenataxanaxac da chegaqaigui ana nere maye huetalec na la'aqtacpi Ñim Lo'onatac 'Enauacna da maiche qandoolec da qaỹa'axategue ca naigui,

2 Pedro 1:20 Referans Kwoze

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

Romanos 12:6

Cha'ayi ñi Dios maichi chigoqchigui da qomi' ÿanema na ÿotta'a't lshitaxanaxatpi. Qaq ÿoqo'oyi ÿataqta sepagaqtenaqchigui da 'eetec ca qomi' ÿanema. Da ñi Dios qomi' ÿanema da sa'axata'q naua l'aqtaqa, qaq nachida so'otaq, qalaxayi cam nalotau'a da qadpi'iÿaxac.

Santiago 1:3

Cha'ayi mashi qauaÿajñiita qom ivita da qaÿi'iguen da qadpi'iÿaxaqui, nachi huaña, qaq nquic da qanhualaxaunaxaqui.

1 Timoteo 1:9

Cha'ayi mashi qaÿaÿateeta da sa ishit da qai'ot na nqataxacpi da nmit ca shiÿaxaua da ÿataqta no'on. Chaqcata ca shiÿaxaua da sa i'ot na nqataxacpi, qataq sa ÿalaq, qataq qauemaic, 'itaxaloxoic, sa iyacnapec ñi Dios nataq'en da n'amqajnataxanaxac, qataq ca ÿalauat ca lta'a, huo'otaq aca late'e, huo'otaq camachicague't shiÿaxaua.

Romanos 13:11

Qaq 'enauac de'eda shiitega da qami' iuen da qauloÿa'alo ne'enaua na'axa'te mayi souaqtaiguilo, qataq qauaÿajñi da mashi ivita yi laloqo' da ñiloxoueguesop na qad'ochaxa. Cha'ayi dam qadca'alaxa mashi ÿataqta sa qaÿapeque, saq 'en'am co'ollaq chita'ague da sa'amaqtenaq da n'aqtac.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

2 Timoteo 3:16

'Enauaque naua ñiyigui'shi l'aqtaqa ñi Dios, namayi ÿilyiñi naq'en co'ollaxa so l'aqtaxanaxanecpi. Qaq naamayi taiguet da qaÿapaxaguenataxanque, qataq da qaÿachaxanataxana ca lataxac, qataq da qaÿaÿamaxajñi ca nasouaxashit, qataq da qaÿachaxanataxana da llic da achaalataxac qui'itta,