2 Pedro 1:11 - Nuevo Testamento Toba Sur

¹¹ Qaq yaqto' qami' qoÿanema da qaica ca qami' npaxategueta da qaunoxoñiu'a cam chochaq tateec l'onataxanaxac da ilo'ogue 'enauacna so qadataxala' qataq qadca'alaxaqui Jesucristo.

Nuevo Testamento Toba Sombrero Negro

¹¹ Qama'le naq'aeta qomle da'me nalo'ta't da'me ami qo'youategueta jogaa'me najo'mi ga'me nejaliaĝa jo'ne qaya'te loiquiaqa', nach'egaua jo'ne lejaliaĝa ñe'me Qadejaliaĝanec mach'e Qadec'alaĝaiqui Jesucristo.

La'aqtaqa Ñim Lo'onatac 'Enauacna 2013

¹¹ Qaq Ñim Lo'onatac 'Enauacna ỹataqta qami' ntootegueque da qami' ỹaconegueta da yaqto' qaunoxoñiiua'a da lo'onataxanaxac So Qarataxala' qataq Qarca'alaxaqui Jesucristo, qom nachaxan da ilo'ogue 'enauacna.

2 Pedro 1:11 Referans Kwoze

Apocalipsis 5:10

Qataq qomi' 'ai'anaguilo da qomi' nta'al qataq da qomi' ltaxaÿaxanaxanqa na shiÿaxauapi da so'onataxanqot ñi qadta'a Dios. Qanachi seloxogue 'enauac na huetalec ana 'alhua.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

Hebreos 6:17

Qaq ÿoqo'oyi ñi Dios ÿan da l'aqtac da ÿataqta ipacchigui cam ÿachaxanapec, cha'ayi ñimayi nshitaique da ÿaÿajnaxanaxaata nam taÿa'a qominchiyi da ÿaconguet dam ÿachaxanapec, da ñimayi ishit da ÿataqta ipacchigui da i'ot cam ÿachaxanapec, qaq sa nadalaxat ca l'aqtac.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Juan 10:10

Ca cachaxaic da anac, qalaq chaqdata da huo'o ca decachiÿa qataq da huo'o ca ÿalauat qataq da huo'o ca nlaxajñi. Aÿim, qalaxayi ñanac, da yaqto' huo'o da lca'alaxa anamayipi, qataq da chochaq huañi de'eda lca'alaxa.

Efesios 3:20

Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

1 Corintios 15:24

Qom ivita ca loga'tna, nachi so Cristo nlaxajñi da l'añaxac 'enauac na ÿotta'a't damaxasoxonapec nta'alpi mayi saq cha'a. Huaña, qanachi ÿanot da l'onataxanaxac da ilo'ogue 'enauacna ñi qadta'a Dios.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

2 Timoteo 4:18

Qaq nachi taÿaueegue da aÿim ntelaqna'aguet 'enauac na sa ÿaÿamaxañisat, chochi aÿim ividaxatta'a da aÿim inoxonaqchiteu'a ca l'onataxanaxac mayi hueta'ague da piguem. Qaq somayi mayi hueto'ot da qadyacnataxanaxac chochaq tateec. Aja', nachi 'eetec de'eda.

2 Pedro 1:5

Qaq ÿoqo'oyi sa ishit qome da ndoteec da qadpi'iÿaxaqui. Nataq'en qanpogoxoiñiÿapegue' da huo'o ca no'on qadataxaqui, qataq ca qadauattonaxanaxaqui,

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.