2 Pedro 1:1 - Nuevo Testamento Toba Sur

¹ Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Nuevo Testamento Toba Sombrero Negro

¹ Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

La'aqtaqa Ñim Lo'onatac 'Enauacna 2013

¹ Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

2 Pedro 1:1 Referans Kwoze

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

2 Corintios 4:13

Naua ñiyigui'shi l'aqtaqa ñi Dios 'eeta': “Sa'amqajnataxan, ÿoqo'oyi setaqa.” Qaq ÿoqo'oyi qomi' nachi shinaqtec da qadpi'iÿaxac da qomi' sa'amqajnataxanaq, ÿoqo'oyi setaxasoq.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Lucas 1:47

qataq da iquiyaqteÿaxac ÿataqta machiguiñi souaxat ñi Dios mayi ica'alaxaqui.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

2 Timoteo 1:5

Qataq naxa da tachigui iuel dam 'adpi'iÿaxac mayi huosota. De'eda huosota npi'iÿaxac mayi hua'auteguet aso 'adcote Loida qataq aso 'adate'e Eunice. Qaq nagui saÿateeta da nataq'en 'am hueto'ot de'eda npi'iÿaxac.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

Hechos 15:14

Ñi Simón Pedro qomi' da'aqtaxaatapeguema da 'eetec ñi Dios co'ollaq chita'ague da nqouaguec nam sa ishit da judiopi, nachi ÿauo'o na lca'au'a namayipi da ÿauo'o lalamaxatpi.

Mateo 10:2

Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

1 Pedro 2:7

Qaq qami' mayi qau'amqajnataxañi, nachi que'eca coma' ÿataqta huo'o qanqashiñi da lli'oxoyic; qalaxayi nam sa ishit da da'amqajnataxan, nachi ipacchiguilo naua ñiyigui'shi l'aqtaqa ñi Dios mayi 'eeta': Som coma' mayi ÿalateec co'olloxochiyi nam noÿic l'opi, somayi nachiso nagui so nllañi ca noÿic.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.

Efesios 4:5

Qataq 'oonolec so qadataxala', qataq 'oonolec da qadpi'iÿaxac qataq da qanachilaxanataguec,

Efesios 3:5

De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

Gálatas 2:8

Qaq ñim Dios mayi ÿanagui da Jesús lamaxashic naq'en so Pedro, da yaqto' da'aqtaxanem na judiopi, nachiñi ñi aÿim ÿanagui da Jesús lamaxashic naq'en aÿim, da yaqto' sa'aqtaxanem nam saq judiopi.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 9:1

Aÿim 'eesa da aÿim huosochiguiñi, qataq yalau'a da 'enec ca lamaxashic so Jesús. Cha'ayi aÿim ñauane' somayi som qadataxala'. Qaq qami' mayi nachiqami' naiguilo da i'onataxanaxac da so'onataxaatacot so qadataxala'.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 1:42

Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Lucas 11:49

Qaq ÿoqo'oyi ñim Dios mayi ÿajnaxanaxaic co'olloxochiyi 'enapeco': “Samaxaña qome namayipi ca i'aqtaxanaxanecpi qataq ca ÿamaxashicpi, qaq yimayipi huo'o qome ca ÿalauat, qaq ca laÿipi qalaq icaatac.”

Mateo 4:18

Qaq huo'o so na'a'q so Jesús queto'ot so loigue aso lapel late'edai mayi huaña yi Galilea. Nachi ila'alo soua dos nqaÿa't. So 'oonolec l'enaxat Simón, da l'enaxat lÿa Pedro. Qaq so lÿa, qalaq l'enaxat Andrés. Soomayi ÿasaqtrapiguiñi so lalegue'c, cha'ayi ÿi'acoxoiqa.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.